G20koen taldea osatzen duten herrialdeek urteroko goi bilera egingo dute Balin astearte eta asteazken honetan. Vladimir Putin Errusiako presidenteak, aldiz, ez du hitzorduan parte hartuko.

Auzi ekonomikoek taldearen elkarrizketen zati handi bat bereganatuko dute; hala nola bizitzaren kostuak, zorraren krisiak, eta Ukrainako gerrak eta COVID-19ak eragindako pandemiaren atzeratutako eraginek elikagaien zein energiaren prezioan bultzatutako gorakadak.

Munduko herrialde industrializatuenek osatzen dute G20koen taldea: Alemaniak, Argentinak, Australiak, Brasilek, Kanadak, Txinak, Hego Koreak, AEBek, Frantziak, Indiak, Indonesiak, Italiak, Japoniak, Mexikok, Errusiak, Erresuma Batuak, Hegoafrikak, Saudi Arabiak eta Turkiak; EB Europako Batasuna bera ere taldeko kide da.

Mark Zuckerberg konpainiako buruak langileen %13 kaleratuko dituela iragarri du ohar baten bidez. Besteak beste, Facebook, Instagram eta Whatsapp plataformen jabea da Meta, eta 87.000 langile ditu orain, baina horietako 11.000 kanporatuko ditu.

Gainera, zehaztu du 2023ko lehen hiruhilekoan ez duela kontratazio berririk egingo. Lan gabe geratuko direnek mezu elektronikoa jasoko dute euren kaleratzearen nondik norakoekin. Horren hitzetan, pandemiaren eraginez, merkataritza elektronikoak gora egin zuen nabarmen eta hazkuntzan oinarrituta langile asko kontratatu zituen konpainiak.

Baina esan du “makroekonomia okertuta” diru sarrerak espero baino askoz txikiagoak izan direla. Hori horrela, kostuak gutxitu eta unitate batzuk lehenesteko hautua egingo du konpainiak.