AEBetako Energia departamentuak adierazi du hamarkadak behar izan ditu iragarpenak, lehen aldiz energia irabazi garbia sortzeko gai den fusio-erreakzioa sortzea lortu dutela baieztatu du AEBk . Orain arte inork ez du lortu fusioa eragiteko gastaturiko energia baino gehiago ateratzea erreakziotik. Abenduaren 5ean, Kalifornian egoitza duen Lawrence Livermore laborategi nazionalak egin zuen lorpena.
Grande-Marlaskak Espainiako Barne ministroak, berriro ere, aldeztu du ez zela migratzailerik hil Espainiaren kontrolpeko lurraldean pasa den ekainaren 24an, 2.000 lagun Melillako hesia igarotzen saiatu zirenean. Gutxienez 23 migratzaile hil ziren.
Marlaskak azpimarratu du, Guardia Zibilaren lana “erabat neurrizkoa” izan zela. Ordu batzuk lehenago, Lighthouse Repots GKEaren ikerketa bat argitaratu dute zenbait komunikabidek. Ikerketa horrek, kolokan jarri du orain arteko bertsioa, baina, halere, Espainiako Barne ministroak joan den irailean emandako azalpenei eutsi die gaur ere.
Gainera, ikerketek diote Espainiako mugaren aldera lurrera erori ziren migratzaileek ez zutela osasun artarik jaso.
Last Generation ingurumen-ekintzaileen taldeko kideak orkestra bateko zuzendariaren atrilari itsatsi dira. Hamburgoko Elbphilharmonie kontzertu-aretoan izan da, gauean musika klasikoko kontzertu bat eman aurretik.
"Beethovenen biolinerako kontzertu bakarra dagoen bezala, planeta hau baino ez dugu, eta horren mugak gutxietsi egiten ditugu, klimarekin lotutako hondamendiak gero eta sarriago eta hilgarriagoak baitira", dio ekintzaile batek erakundeak zabaldutako bideoan. Berebat, adierazi dute Hanburgoko portuan dagoen eraikin enblematikoa arriskuan egongo litzatekeela uren mailak gora egiten jarraitzen badu. Geroago, orkestra-zuzendariaren tribunako barandatik askatu eta atxilotu egin zituzten.
Gorte Gorenak aho batez ebatzi du Eskoziako Parlamentuak ez duela erreferendum berri bat antolatzeko legeak egiteko ahalmenik. Gainera, defendatu du, kontsulta-izaera izan arren, "ondorio politiko garrantzitsuak" izango lituzkeela, eta gai erreserbatu bati eragiten diotela.
Josu Etxaburu Gure Eskuren bozeramaileak gertatutakoaren balorazioa egin du: "Ziurtasun osoa dugu eskoziarrek bigarren erreferenduma egin egingo dutela. Ziur gauden moduan euskal herritarrok ere hori egingo dugula". Ebazpenaren ostean, bi hausnarketa plazaratu ditu Etxaburuk. Alde batetik, autodeterminazio eskubideari buruzko auzia Europa mailan jokatu behar dela eta Europak baduela zer esana.
