Alemaniako Poliziak Greta Thunberg ekintzaile suediarra atera du Lützerath herriaren inguruan ingurumen-ekintzaileen taldeak blokeatzeko ekintza batetik. Thunberg Lützerathetik 9 bat kilometrora dagoen ikatz-meategi batean protestan ari zela atxilotu zuten. Bertan, manifestari talde batekin eseri zen meategitik gertu.
Alemaniako mugimendu ekologistak Poliziaren indarkeria salatu du. Lutzerath herrixkan Garzweiler meatzea handitzeko lanak hastekoak dira. Ekintzaileak lanak galarazteko erresistentzia egiten aritu dira.
Gaztela eta Leongo presidenteorde Juan Garcia-Gallardok, Voxekoak, iragarri zituen aldaketa horiek. Moncloak, haurdunaldia borondatez eteteko araudia zehatz-mehatz errespetatu ezean, tresna legal guztiak erabiliko dituela adierazi du.
Izan ere, aldaketa horien ondorioz, ginekologoek zuzenean osasun mentalera bideratuko lituzkete haurdunaldia eteteko asmoa duten emakume haurdunak, seigarren eta bederatzigarren asteen artean fetuaren taupadak entzuteko aukera egongo litzateke, eta haurdunaldiaren azken etapan egiten diren 4D ekografiak zerbitzu-zorroan sartuko lirateke.
Sedizio delitua indargabetzen eta dirua bidegabe erabiltzeko delitua murrizten duen erreforma indarrean sartu ostean jakinarazi du Auzitegi Gorenak. Halaber, sedizio delituagatik Carles Puigdemont, Toni Comin eta Lluis Puig atxilotzeko indarrean zegoen euroagindua bertan behera utzi du. Halere, Pablo Llarenak Puigdemont funts publikoak bidegabe erabiltzeagatik eta desobedientziagatik auzipetzeko asmoa berretsi du.
Marta Rovira ERCko idazkari nagusiaren eta Clara Ponsati kontseilari ohiaren kasuan, berriz, desobedientzia delituagatik auzipetu ditu orain epaileak.
Jair Bolsonaro presidente ohi ultraeskuindarraren jarraitzaileek Planalto Jauregia eta Gorte Gorena erasotu dituzte, Lula da Silva Brasilgo presidentearen aurkako ekintza kolpisten ostean. Hiru eraikinetan kalte material ugari eragin dituzte.
Ordu batzuen ostean, Brasilgo segurtasun indarrek Kongresuaren eta Planalto jauregiaren kontrola berreskuratzea lortu dute, eta, ondorioz, Jair Bolsonaroren jarraitzaileak Estatuko hiru botereen egoitzetatik kanporatu dituzte istiluen aurkako baliabideak eta granada zorabiagarriak erabiliz. 300 atxilotu inguru daude, Brasiliako Polizia Zibilaren arabera.
Espainiako Senatuak behin betiko onartu du PSOEk eta UP Unidas Podemosek bultzatutako lege proposamena. Goi ganberak ez ditu bozkatu Konstituzionalak baliogabetutako bi zuzenketak.
Zigor Kodearen erreforma aurrera atera da Senatuan, PSOEren, ERC Esquerra Catalunya, EH Bilduren, EAJren eta Mes per Mallorcaren gehiengoarekin. PP, Vox, Ciudadanos, UPN, Junts, PRC, Coalición Canaria, Teruel Existe, PAR eta bi parlamentari independenteen ezezkoaren aurrean. Bestalde, Más Madrid, Geroa Bai eta Compromíseko senatariek abstenitzea erabaki dute.
Sedizio-delitua desagerraraziko du, eta desordena publiko larriagotuko delitu bilakatuko du. Bestetik, irabazi-asmorik gabeko dirua bidegabe erabiltzeagatik gehieneko zigorra 4 urtera jaitsiko da.
Karguan hamar egun daramatza lehen ministroa, eta argi utzi du astelehen eta astearte honetan Gobernuan aldaketa gehiago egiteko asmoa duela. Pedro Castillo presidentea atxilotu zutenetik protesta eta tentsioa areagotu dira herrialdean, dagoeneko eta gutxienez 25 hildako daude.
Boluartek argi du gobernu berria politikoagoa eta elkarrizketaren aldekoa izan behar dela. Segurtasun indarrek negar gasa erabil dezatela ezarri dute, eta ez perdigoiak, nahiz eta sare sozialetan aurkakoa erakusten duten bideoak zabaldu diren.
