Kultura

All Stories

Egunkaria auzian oinarritutako "Sisiforen paperak" estreinatuko da ostiralean

Gasteizko nazioarteko antzerki jaialdian estreinatuko da obra, Principal antzokian. Harkaitz Canok idatzi du gidoia eta zuzendaritza Fernando Bernues-en esku utzi du lana ekoitzi duen Ttanttaka konpainiak. Auziaren inguruko hausnarketa librea bada ere, Egunkariarekin egindako injustizia salatzen du obrak eta errealitatera ekartzen duten zenbait elementu ditu antzezlanak.

Euskaraldiak iraun bitartean, euskarazko 75 kultur ekitaldi eskainiko dira Donostian

Azaroaren 20tik abenduaren 4ra bitartean, 75 bat euskarazko kultur ekitaldi antolatuko dira Donostiako auzo gehienetan, Udaleko Euskara Zerbitzuak, Bagera elkarteak eta auzoetako euskara batzordeek lankidetzan antolatuta, Donostia Kulturaren laguntzarekin. Euskaraldiak irauten duen bitartean euskarazko kultur eskaintza areagotzea da asmoa.

Mariasun Landa omendu du Bilboko klasikoen 13. irakurketa jarraituak

Bilbo Zaharra Euskaltegiak antolatuta, Bilboko Arriaga Antzokian ospatu da Klasikoen Irakurketa Jarraituaren 13. edizioa. Urtero gizarteko arlo guztietako kideek bat egiten dute tandaka euskarazko literaturaren obra esanguratsuak irakurtzeko. Aurtengoan haur eta gazte literatura izan da protagonista eta horren baitan euskal idazle oparoenetako bat, Mariasun Landa.

Streaming bidez izango da Lekeitioko 43. Euskal Zine Bilera

Azaroaren 21etan abiatuko da Lekeitiko Euskal Zine Bileraren ediziorik bereziena. Pandemiak baldintzatuko du Zine Bileraren 43. Edizioa baina sorrerako helburuei eutsi eta aurten ere euskal zinemari erreferentzialtasuna emango dion jaialdia antolatu dute. Streaming bidez zabalduko dute egitarau osoa, larunbatetik, hilak 21, azaroaren 29ra luzatuko dena. Zinebilera.eus webgunearen bitartez eskainiko dute programazioa osoa

Jokotekniaren 3. edizioa antolatu dute Azkue Fundazioak eta Game Erauntsiak, streaming bidez

Azaroaren 28an ospatuko dute aurtengo Jokoteknia. Bilboko Euskararen Etxetik zuzenean emitituko dituzte jardunaldiko lau hitzaldiak eta mahaingurua. Ekimenak, euskal bideo-jokoen inguruko profesional, ikertzaile eta zaleak biltzea du helburu eta aurreko edizioetako arrakastari eutsi nahi diote sare bidez soilik ikusi ahalko den hirugarren honetan ere.

Jon Alonsoren “Naparra. Kasu Irekia” aurkeztu du Elkar argitaletxeak

Jose Miguel Etxebarria “Naparra” Komando Autonomo Antikapitalistetako kidearen desagerpenaz jardun du Alonsok bere azken lan honetan, Debako Udalaren Tene Mujika beka eskuratuta. Hain zuzen, gure herriaren historia hurbila ikertu eta horretaz jarduten duten proiektuak saritzen ditu Debako Udalak beka honen bitartez eta 2016an eman zioten saria Alonsori.

La Trinchera infinita filmak beste pausu bat eman du Oscar sarietarako bidean

Urrian sartu zuen Espainiako Zine Akademiak Oscar sarietan Espainiako Estatuko hautagaien artean, nazioarteko pelikulen atalerako. Hiru hautagai izan ziren orduan, Jon Garaño, Jose Mari Goenaga eta Aitor Arregiren zintarekin batera. Iragan astean, berriz, hiru horien artean zeinek egingo duen aurrera iragarri zuten eta hirukote gipuzkoarraren lana aukeratu zuen akademiak.

“Lemoiz gelditu” horma-irudia aurkeztu du Bilboko Arte Ederren Museoak

Vicente Ameztoy, Jose Luis Zumeta eta Carlos Zabala “Arrastalu”-ren “Lemoiz gelditu” horma-irudia aurkeztu du Bilboko Arte Ederren Museoak. 5x8 metro inguruko murala sortu zuten hiru artistek 1980an, Lemoizko zentralaren eraikuntza gelditzeko mugimendu erraldoiaren baitako Herrikoi topaketak izeneko ekitaldian.

hamaika telebista

Image