Image

Kultura

All Stories

Irati Agirreazkuenaga: ‘Pabellon 6 konpainiak lehen euskarazko obra estreinatuko du; ‘Love&Money’

Datozen egunotarako kultur proposamenez bete digu agenda Irati Agirreazkuenaga kultur adituak. Pabellon 6 Bilboko antzerki laborategiaren euskara hutsezko lehen ekoizpena; Azpeitiko Euskal Antzerki Topaketak; Literatur Amuak jaialdia Ondarroa eta Udagoieneko Ostera zikloa Bilbon, Zallan, Igorren eta Berrizen.

'DA! Pro' topaketa profesionala antolatu du Durangoko Azokak abenduaren 5ean

Laugarren urtez Durangoko Azokak 'DA! Pro' sortzaile eta programatzaileen arteko topagune profesionala antolatuko du. Aurten egitasmo hau abenduaren 5ean antolatuko da, hau da, Azoka hasi baino bi egun lehenago, bi espazio ezberdinetan: Durangoko Bizenta Mogel bibliotekan eta San Agustin Kulturgunean. Durangoko Azokarekin batera, proiektu honetan parte hartuko dute BBK-k, Musika Bulegoak, Bizenta Mogel bibliotekak eta Berbaro Elkarteak.
 
Izena emateko epea irekita dago sortzaile eta profesionalentzat. Artistek azaroaren 10era arte izango dute epea, eta programatzaileen kasuan azaroaren 30era arte luzatuko da. 'DA! Pro' egitasmoaren baitan katalogo bat sortuko da jasotako kultur proposamenekin.

Guggenheim Museoa doan bisita daiteke abenduaren 2ra arte, aldez aurretik sarrera erreserbatuta

25. urteurrena dela eta, ‘Denontzako BBK artea’ kanpainaren barruan, euskaldun guztiek Guggenheim Bilbao Museoa doan bisitatu ahal izango dute artearte honetatik abenduaren 2ra arte. Sarrerak Museoaren webgunearen bidez edo teléfono bidez erreserbatu behar dira.

Bisitak asteartetik igandera egin ahalko dira, 10:00etatik 19:00etara. Ordu tarteak betetzen joan ahala, desaktibatu egingo dira data eta ordu horiek hautatzeko aukera.

Orain arte, 60.000 lagunek erreserbatu dute hitzordua. Pertsona batek lau sarrera erreserbatu ahalko ditu gehienez.

Mangamore manga eta anime jaialdia bueltan da Amorebieta-Etxanora

Mangamoreren 16. edizioa ospatuko da urriaren 14 eta 16 bitartean, egitarau zabala izango du, adin guztietako pertsonentzat zuzenduta egongo da, eta mangaren edo animearen zaleak eta ez hain sutsuak bilduko ditu.

Aurreko edizioan 12.000 lagunek Amorebieta-Etxanora gerturatu ziren Mangamore jaialdiaz disfrutatzeko, Amorebieta-Etxanoko Udalak aurten ere jendetza espero du.

Hitzaldietako bi euskaraz izango dira: urriaren 14an Jose Antonio Morlesinek iaz EHUk argitaratutako gidaren xehetasunak emango ditu eta Jose Carlos Torrek eta Maitane Echevarriak Ttak komiki eta ilustrazioa aurkeztuko dute. Ohi bezala, Cosplay eta AsianDance lehiaketak ere egongo dira.

Edonola ere, manga eta animeren jaialdiaren egitarau osoa mangamore.eus atarian dago eskuragarri.

Alaia Martinek irabazi du Elizondon egindako lehenengo finalaurrekoa

Alaia Martin izan zen pasa den larunbatean Elizondoko finalaurreko saioko irabazlea 729,5 punturekin, eta Amurrioko saioan kantatzeko zuzeneko txartela lortu du, beraz. Joanes Illarregik bigarren egin zuen saioan eta jarraian sailkatu ziren Agin Laburu, Unai Agirre, Onintza Enbeita eta Iñaki Apalategi.

1.400 bertsozale bildu ziren Baztan pilotalekuan saioa bertatik bertara jarraitzeko. Urriaren 29an izango da hurrengo finalaurrekoa, larunbatean, Donibane Garazin. Kantuan Aitor Etxebarriazarraga, Amets Arzallus, Asier Azpiroz, Haritz Mujika, Nerea Elustondo eta Oihana Iguaran. Saioa 17:00etan hasiko da Jai Alain.

Sarrerak www.bertsosarrerak.eus atarian daude eskuragai.

47 taldek hartuko dute parte Ahotsenean abenduaren 7tik 11ra

Ahotsenea 15 urte beteko ditu aurten, eta ospatzeko bost eguneko musika maratoia prestatu dute antolatzaileek. Zuzenekoak Plateruenean izanen dira, sarrera doakoa izango da aforoa bete arte, eta ez da beharrezkoa izango aldez aurretik izena ematea.

Guztira, 47 ikuskizun egongo dira. Goxua N'Salsa, Neomak, Agur, Janus Lester, Keia, Irtera edota Mirua talde hasiberriek eszenatokia partekatuko dute Delirium Tremens, Willis Drummond edota Kokein bezalako ibilbide luzeko bandekin.

Estilo ugaritako musika entzun ahalko da, baina rock eta pop doinuak izango dira nabarmenenak. Horren adibide dira Maraca Diablo, Zakill, Sua, Piztiak, Hibai, Kurkuma, Saia Goait, Ezpalak, Pasadena, Assata, Asla, Kyxo, Rukula, Rodeo, Dukkha, Fufu, Mice, Txost!, Orbel, Burutik, Kristonak edota Mkyxoairu taldeak.

Pop elektronikoa presente egongo da Merina Gris eta Lumi taldeekin; Bengok eta Odeik hip-hopa eramango dute Ahotseneara; Bolbora eta Sutan taldeek ska-reggaea landuko dute; Mugan taldearen folk doinuak; jazza eta soula Arima Soul bandaren eskutik...

Bakarlariei ere egingo diote tarte bat, horrela, Olaia Inziartek, Ilargik, Peru Galbetek eta Esti Markezek zuzenekoa eskainiko dute. Ines Osinagak bere proiektu berria aurkeztuko du.

Kontzertuak streaming bidez ere jarraitu ahalko dira www.durangokoazoka.eus webgunean.

Gure Zirkua hastera doa Iruñerrian!

Euskal zirko ibiltariak amaiera emango dio Nafarroan bere bosgarren birari.Iruñerrian osotara 12 emanaldi eskainiko dituzte, urriaren 21a eta azaroaren 4a bitartean. Bigarren urtez jarraian, Antsoainen ipini dute karpa. Pasa den urtean harrera bikaina izan zuen zirkuak Iruñerrian, eta honakoak berdin izan dadin espero dute.
hamaika telebista

11 laguntzaile

Image