Kultura

All Stories

EH Bilduk artistaren estatutua garatzeko taldearen sorrera proposatu du

Kulturgileen aspaldiko aldarrikapenari erantzuna emango lioke horrek. Izan ere, legegintzaldiaren hasieran Eusko Jaurlaritzak Esatutua garatzeko asmoa agertu bazuen ere, koalizio subiranistak salatu du ez dela aurrerapausorik izan. EH Bilduk uste du beharrezkoa dela arautegi propioa sektorearen berezitasunagatik.

EKE-Elkar literatur bekak ordezkatuko du Gazteluma saria

EKE-Elkar literatur beka sortu dute Euskal Kultur Erakundeak eta Elkar Fundazioak, Ipar Euskal Herriko idazleak euskaraz idaztera bultzatzeko asmoz. Bi urtean behin antolatuko da beka eta edizio bakoitza literatur-genero bati lotuta izango da, lehena nobela grafikoa izanik. Maiatzaren 31ra arte jasoko ditu epaimahaiak proposamenak eta ekainaren 31n bekaren 6.000 euroak jasoko dituen proiektua jakinaraziko da.

Zabalik da Udalbiltzaren “Geuretik sortuak” beka deialdia

Udalbiltzak “Geuretik sortuak” artistentzako beka deialdia zabaldu du. Zinemagile, antzerki konpainia eta idazleei zuzenduta dago beka eta hautatuek euren bizilekua ez den herri batean hiru astera bitarteko egonaldia egin ahal izango dute. Euskaraz sortutako proiektuak bultzatzeko asmoz eta sormena eta herrietako idiosinkrasia uztartzeko helburuarekin jarri dute martxan deialdia.
hamaika telebista

Image