Azaroaren 21etan abiatuko da Lekeitiko Euskal Zine Bileraren ediziorik bereziena. Pandemiak baldintzatuko du Zine Bileraren 43. Edizioa baina sorrerako helburuei eutsi eta aurten ere euskal zinemari erreferentzialtasuna emango dion jaialdia antolatu dute. Streaming bidez zabalduko dute egitarau osoa, larunbatetik, hilak 21, azaroaren 29ra luzatuko dena. Zinebilera.eus webgunearen bitartez eskainiko dute programazioa osoa

Azaroaren 28an ospatuko dute aurtengo Jokoteknia. Bilboko Euskararen Etxetik zuzenean emitituko dituzte jardunaldiko lau hitzaldiak eta mahaingurua. Ekimenak, euskal bideo-jokoen inguruko profesional, ikertzaile eta zaleak biltzea du helburu eta aurreko edizioetako arrakastari eutsi nahi diote sare bidez soilik ikusi ahalko den hirugarren honetan ere.

Jose Miguel Etxebarria “Naparra” Komando Autonomo Antikapitalistetako kidearen desagerpenaz jardun du Alonsok bere azken lan honetan, Debako Udalaren Tene Mujika beka eskuratuta. Hain zuzen, gure herriaren historia hurbila ikertu eta horretaz jarduten duten proiektuak saritzen ditu Debako Udalak beka honen bitartez eta 2016an eman zioten saria Alonsori.

Urrian sartu zuen Espainiako Zine Akademiak Oscar sarietan Espainiako Estatuko hautagaien artean, nazioarteko pelikulen atalerako. Hiru hautagai izan ziren orduan, Jon Garaño, Jose Mari Goenaga eta Aitor Arregiren zintarekin batera. Iragan astean, berriz, hiru horien artean zeinek egingo duen aurrera iragarri zuten eta hirukote gipuzkoarraren lana aukeratu zuen akademiak.

Vicente Ameztoy, Jose Luis Zumeta eta Carlos Zabala “Arrastalu”-ren “Lemoiz gelditu” horma-irudia aurkeztu du Bilboko Arte Ederren Museoak. 5x8 metro inguruko murala sortu zuten hiru artistek 1980an, Lemoizko zentralaren eraikuntza gelditzeko mugimendu erraldoiaren baitako Herrikoi topaketak izeneko ekitaldian.

Aurten, Euskal Antzerki Topaketen 38. edizioa antolatu da Azpeitian, Kulturaz Kooperatibaren eskutik. Esaterako, datozen egunetan TRIBIZ Baserri galdue, ANTIGONE edo ezetzaren garrantzia eta Pinocchio izango dira ikusgai. Ildo horretan, Aitor Bengoetxea Kulturaz Kooperatibako kidearekin izan gara, eta Azpeitiko Kultur Mahaiak izan duen bilakaera azaldu digu.

Herrikoi kutsuko 8 doinuk eta Xabi Solanoren beraren beste 13 piezaren partiturek osatzen dute liburua, beraz, 21 kantu jotzeko jarraibideak biltzen ditu argitalpenak. Kantuez berez gain, Solanok trilogian proposatzen dituen ikasteko bi metodoen nondik norakoak azaltzen ditu liburuak ere. “Solano anaiarrebak: Zaharrak berri” diskoak laguntzen du liburua. Bilduma horretan herrikoi kutsuko zortzi kantu horiek elkartu ditu Xabi Solanok bere arreba Kristinarekin batera grabatutakoak.

Urtarrilaren 11tik 16ra bitartean ospatu behar zuten Dock of the bay-ren 14 edizioa baina Jaurlaritzak hartutako azken neurriek eta, orokorrean, koronabirusaren bigarren olatuak ekarritako egoera ikusita, ekainera arte atzeratzea erabaki dute antolatzaileek. Hain zuzen, ekainaren 7an ezarri dute data berria.