Gasteizek liburuak trukatzeko azoka berreskuratuko du pandemia dela eta bi urtez eten eta gero. Urriaren 22 eta 23an izango da, Liburutegien Egunarekin batera, Iradier Arenan.
Azokak larunbatean irekiko ditu ateak; orri markagailuak egiteko lantegia, antzerkia eta musika ere izango dira larunbateko jardueren artean. 5000 liburu baino gehiagoko ekarpena egingo du liburutegiak eta bakoitzak 5 liburu gehienez trukatu ahal izango ditu.