Lau urteren ondoren, Pasaia Itsas Festibalak bere bigarren edizioa ospatuko du maiatzaren 26tik 29ra.

Pasaiako portua itsasoko historiaren ikur da, XVI. eta XVII. mendeetako galeoi enblematikoenetako batzuen eraikitze-lekua. Itsas kulturaz, musikaz, gastronomiaz, artisautzaz, tailerrez eta dibulgazio-ekitaldiz beteko da Badia egunotan. Historiaz beteak, 160 ontzi tradizional baino gehiago bilduko ditu festibalak, Marité, La Recouvrance, Shtandart, Oosterschelde, Scylla, Mater, Ring Andersen eta Atyla ontzi historikoak, besteak beste.

Kontzertuak, dantzak, ohiko lanbideen erakustaldiak, azoka.... lau egunez egitarau oparoa prestatu dute.