Martxoak 27an Antzerkiaren nazioarteko eguna ospatzen da, eta horren harira Maialen Marinekin egin dugu hitzordua. Maialen Gayarreko komunikazio arduraduna da eta egun honen ospakizunaren bueltan, Gayarre antzokiak eskaini duen programazioaren berri eman du, horretaz gain, antzokiko publikoa nolako den ere kontatu digu.
Martxoaren 27a antzerkiaren nazioarteko eguna da. Karrikara heldu gara Iruindarron oholtza gaineko gustuak jakiteko asmoz. Zenbatero egiten dugu bisita euskaldunek antzokietara?
Gutun Zuria literatur jaialdia izango da martxoaren 30etik apirilaren 1era Bilboko Azkuna Zentroan. 15. edizioa da honakoa, eta guztira ehunka pertsonak hartu dute parte dagoeneko.
Raquel Esparza jaialdiko programazioa sailaren arduradunak azaldu du 30 jardueratik gora antolatu dituztela, eta aurten, fikzioa, narratiba, saiakera eta eleberria landuko dituztela. Horrez gain, Esparzak nabarmendu du “literatura garaikidearen erreferenteak zein gaur egungo narratibaren ahots berriak” izango direla bertan.
30 sortzaile baino gehiagok hartuko dute parte aurtengo jaialdian, “leku fisiko profesional eta mental ezberdinetatik iritsitakoak”. Bere esanetan, literaturak duen garrantzia nabarmentzea da jaialdi honen helburua, baita liburua lantzeko beste modu batzuk ere, eta baita artearekin duen harremana ere.
Uztailaren 21ean, hasiko dira emanaldiak, eta 24ra arte iraungo dute Zurriolako hondartzan. Keler agertokiak zortzi artista eta talderen emanaldiak hartuko ditu.
Village People disco musikaren talde historiko ezagunarekin hasiko dira. Fred Wesley & The New JBs-ek hartuko du Village Peopleren lekukoa hondartzako oholtzan. Uztailaren 22an, Blue Label Beatsen dotorezia eta Viva Sueciaren popa; uztailaren 23an, Arde Bogotá taldearen leloak eta Tiken Jah Fakolyren duba; eta, azkenik, uztailaren 24an, Ezra Collectiveren eta Zetaken kantuak.
Sheridan Winnen 'Sprite Sisters' liburu-sortan oinarrituriko filmak Sua, Lorea, Itsaso eta Zerua ahizpen abentura magikoak kontatzen ditu. Lau ahizpek trebetasun magikoak dituzte bederatzigarren urtebetetzetik. Horietako bakoitza sua, ura, lurra eta airea lau elementuetako batean da nagusi. Hain justu, film honetan ikusiko dugu Zeruak, ahizpen artean gazteenak, bederatzigarren urtebetetzean, bere trebetasun magikoak ezagutuko dituela. Bada, lau ahizpek elkarrekin Arrosa magikoa salbatu beharko dute.
