Apirilaren 1ean ospatuko da Zeid Fest jaialdi erraldoia Barakaldoko BECen, eta Julen Hernandezek nabarmendu digu sekulako kartela osatu dutela: “Musika eta aktuazio bereziak izango dira eszenatoki gainean eta publiko artean, eta espero duguna da jende ugari gerturatzea, eta gurekin festa egitea”.

Jaizkibel Konpainiak emango dio hasiera festari: “Zeid Fest jaialdia bertako ateetatik harago doan zerbait da, eta nahi genuen ohorezko norbaitek ateak ireki zitzan”. Albina Stardustek eta beste hainbat trabestiek hiru show ezberdin eskainiko dituzte publiko artean, eta Stardust izango da ikuskizunen zuzendari artistikoa: “Trabestiak bere bidea egiten ari dira Euskal Herrian, eta Zeid Fest jaialdian lekua eman nahi genuen horiei guztiei”.

Hemendik At taldea omenduko dute jaialdian; Hernandezek nabarmendu du sekulako ondarea utzi dutela Euskal Herrian, eta ondare horrekin dantza eta festa egin nahi dutela: “Beraiek ez dira izango bertan, baina izugarrizko showa prestatzen ari gara, eta oso ondo pasako dugu taldearen musikarekin”.

Udalak 2002tik antolatzen du lehiaketa hau eta aurten 18 000 euro bideratuko ditu haur eta gazte-literaturaren alorrean euskarara egindako itzulpen onenen sarietara. Egileek datorren hilabetean aurkeztu ahal izango dituzte beren lanak.

90eko hamarkada markatu zuten artisten zuzeneneko emanaldia da. Artista nazionalak eta nazioartekoak izango dira oholtzan. Besteak beste, La Frontera, Viceversa eta Sensity taldeek kontzertuak eskainiko dituzte.

Euskal Herriko Trikitixa Elkarteak eta Azpeitiko Udalak elkarlanean antolatzen dute jaialdia. Martxoaren 18an, 17:30etatik aurrera panderoa eta trikitixa izango dira protagonista. Halere, antolatzaileek nabarmendu dute beste zenbait instrumentu ere entzun ahal izango direla.

Egitarauaren berri emateko Euskal Herriko Trikitixa Elkarteko eta Azpeitiko Udaleko ordezkariek agerraldia egin dute ostegun goizean. Izen ezagunak eta ez horren ezagunak uztartzen saiatu direla aipatu du EHTEren antolakuntzako kideak. Azpeitiko Kultura batzordeburuak, berriz, azpimarratu du trikitia Azpeitiaren eta Euskal Herrian “iraganaren eta orainaren” parte garrantzitsua dela.