Kultura

All Stories

219 erakusmahai izango ditu Durangoko Azokak, 990 nobedaderekin

Iragarritakoaren arabera, Landako Gunera sartzeko ezinbestekoa izango da aldez aurretik izena ematea, azaroaren 29tik zabalduko da bisitarako txandak eskatzeko aukera, azokaren webgunean jarriko duten erreserba sistema baten bidez. 1200 laguneko aforo muga ezarri du antolakuntzak gunean, gainera, eta ordu eta erdiko txandetan sartuko dira bisitariak Landakora.

Osasun neurrietara egokituta, 219 erakusmahai izango ditu Durangoko Azokak, 990 nobedaderekin: 733 liburu, 143 disko, 37 aldizkari eta 77 bestelakoak. Guztira, 165 partehartzaile izango ditu Azokako 56. edizioak: argitaletxeak, diskoetxeak, kultur elkarteak, erakundeak, banatzaileak...

Espazio guztietan diziplina askotariko kultur jarduerak egongo dira abenduaren 4tik 8ra; eta online denda, berriz, abenduaren 3tik 7ra egongo da martxan Azokako webgunean.

Belgikako justiziak abenduaren 28an erabakiko du Valtonyc Espainiaratzeari buruz

Josep Miquel Arenas raperoa, Valtònyc ezizenez ezaguna, Ganteko Apelazio Auzitegian agertuko da gaur. Hark hartuko du Espainiak egindako estradizio eskaeraren inguruko behin betiko erabakia. Espainiako Auzitegiak hiru urte eta erdiko kartzela zigorra eskatu du bere abestietako letrengatik, koroa iraintzea, mehatxuak egitea eta terrorismoa goratzea leporatuta.

Ama Say taldea bueltan da hamarkada baten ondoren

Bi kontzerturekin bueltan da Ama Say taldea. Lehena, Bilbon eman zuten azaroaren 20an; bigarrena 21ean, Azkoitiko Matadeixen. Hona hemen, Azkoitin emandako kontzertuko irudi batzuk!

'Ikusi ditut umeak kalean ametsak akatzen' (1993) eta 'Say ama' (1994) diskoak, eta 'No iz pop '(1994) zuzeneko ep-a dira beraien lanetako batzuk. 1995an banandu zen taldea, baina 2008an hirugarren disko bat atera zuen, 'Ren fan'.
hamaika telebista

11 laguntzaile

Image