Roma filmak jaso ditu izendapen gehien, 10 guztira. Horien artean dira film onenaren saria, zuzendaritzarik onenarena eta gidoirik onenarena. 10 izendapen jaso ditu The Favourite film britainiarrak ere. Urteko filmerik entzutetsuenetakoa izan den Bohemian Rhapsody filmak berriz 8 izendapen eskuratu ditu. Beste horrenbeste jaso ditu Green Book filmak. Bat gutxiago, 7, Black Pantherrek.

Hainbat idazle, itzultzaile eta adituk hartuko dute parte aurtengo edizioan. Horien artean dira Itxaro Borda, Edorta Jimenez edo Xabier Etxeberria. Horrez gain, (H)ilbeltza bekaren irabazle izandako Mikel A. Elustondoren “Kexko Bola Batek Itoak Birikak" lana ere aurkeztuko da aurtengoan.

Haurrei zuzendutako Musikarium proiektua aurkeztu dute gaur. Antzerki-musika-kontzertu didaktiko bat izango da Baga Biga-k, Oihan Vegak eta Xabi Zabala konpositore eta musiakriak bultzatutako ekimena.

Joxean Artze poetaren liburutegiaren funtsak jaso ditu Gipuzkoako Foru Aldundiak. Artzeren alargunak utzi du funts hori Aldundiaren esku, Donostiako Koldo Mitxelenan egindako ekitaldian.

Tracking Bilbao Festibalaren seigarren edizioaren aurkezpena egin dute antolatzaileek Euskal Museoan. Hasiera eman zion Bocabeats taldearen komedia saioak eta ondoren Ane Guriaren kontzertuak girotu zuen aurkezpena. Disziplina anitzeko adierazpen askoren erakusketa da Tracking Bilbao. Aro digitaleko kultura herrikoia zabaldu nahi dute. Festibala, abenduaren 17tik 22ra bitarte ospatuko da.

Abenduaren 16an, 21:00etan, Ajoarrieroa saioko azken atala ikusteko aukera izango dugu. Bertan, saioan zehar gonbidatutako guztien errepasoa egingo dugu eskaini diguten kontutxoren baten aipamena eginez.

Azkenaldiko finalik parekatuena izango dela adierazi dute Bizkaiko Bertsolari Txapelketako 8 finalistak . Faboritorik gabeko finala dela azpimarratu dute partehartzaileek eta antolakuntzak. Maila aldetik denak parean daudela eta uneko egoera psikologikoak erabakiko duela finala nabarmendu dute gehienek. Aitor Bizkarra lehenengoz arituko da Bizkaiko final batean. Berarekin batera, Eneko Abasolo (2010an finalista) eta 2016ko finalean egondako beste 6 bertsolari lehiatuko dira larunbatean Bilbao Arenan, 17:00etatik aurrera, Jon Enbeitak jantziko duen txapela irabazteagatik.

115000 lagunek bete dute Durango azken bost egunetan zehar, Gerediaga elkarteko Nerea Mujikak balorazio positiboa egin du Hamaika Telebistako mikrofonoetan. Behin Landako guneko argiak amatuta, aurrera begirako erronkak izan ditugu hizpide Hiriburuan saioan, kultura kontsumiteko era berriak, aldagai digitalak, publikoaren ohitura aldaketak, sortzaileekin lotzen gaituzten harremanak eta bestelakoak ardatz, Lutxo Egia eta Patxi Gaztelumendirekin batera. Hortaz gain, Koldo Otamendi lankideak Izaro Andres musikariari egindako elkarrizketa ikusi dugu baita.