Etxarri-Aranatzen ospatuko da, ohi bezala, eta urtarrilaren 17an, baina aurtengoan, pandemiak eraginda, ez da aurrez aurre ikusteko aukerarik izango. Ekimenaren aurtengo kartela. Eñaut Elorrieta, Erramun Martikorena, Zetak, Skabidean, Anita Parker, Spray, Brigade Loco eta Xabier Silverak osatuko dute.

Aurtengo jaialdiaren irudia Daniel Sanchis erretratugileak osatu du, Espazioen multiplizitatearen ideia helarazi nahi izan du, begirada subjektiboarena, forma berriak marraztearena, paisaiarekin eta naturarekin harremanetan.

Bakean dagoenari bakean utzi ikuskizunaren arrakastaren ondoren, proposamen berria osatu dute Idoia Torregarai eta Mirari Martiarena umoregileek. Luze edo motz du izena emanaldi berriak eta lehenengoan euskara eta generoa izan bazuten hizpide, generoari baino ez diote helduko kasu honetan. Martiarenak azaldu duenez, lehen ikuskizuna ikusi zutenen erreakzioari erantzunez osatu dute proposamena.

Urtero legez 40 orrialdeko aldizkariaren 5.000 ale fisiko inprimatu eta banatu ditu Olentzerozaleen Elkarteak. Agerkariak balio etnografikoa du eta gabotako ospakizunen inguruko eta Nafarroa garaiko folklorearen atazak aztertzen ditu.

Urte asko igaro dira Oiartzun ondarearen inguruko lanketa egiten hasi zenetik. Betidanik izan dute sentsibilitate berezia herriko gai ezberdinak ikertzeko, jasotzeko eta biltzeko. Besteak beste, bertako ohiturak, kultura, hizkuntza, musikagintza, bertsogintza eta herritarren testigantzak. Hori dela eta, Oiartzungo Ondarea jasotzen duen webgune bat sortu berri dute.

Duela 10 urte abiatu zuen Etxepare euskal insitutuak bere ibilbidea eta iragan astean bide horretan egindako lana ekarri zuten gogora institutaren egoitza den Tabakaleran. 2010ean hasi zuen bidea instituzioak nazioartean euskara zein euskal kultura sustatu eta ezagutzera emateko helburuarekin

Arrakasta pilatzen jarraitzen dute joan den urteko euskal zinemako bi ekoizpen handiek, “El Hoyo” eta “La Trinchera infinita” filmek, alegia. Oraingoan Europako Zinema Akademiak banatzen dituen bikaintasun sarietan jaso dute aintzatespena. Galder Gaztelurrutia Bilbotarraren “El Hoyo” efektu berezi bisualean sailean nagusitu da eta makillaje eta ile-apainketa alorrean “La trinchera infinita”, Aitor Arregi, Hon Garaño eta Jose Mari Goenaga irukotearena.

Espero baino hobea. Hala definitu liteke 55. Durangoko Azoka salmentei dagokienez behintzat. Ohiko jende pilaketak ezinezkoa ziren urte honetan online denda martxan jarri zuenean Gerediaga elkarteak ezin zuen espero azokak iraun duen bost egunetan jasotako eskaera uholdea. 7.800 erosketetan ia 28.000 produktu eskuratu dituzte euskal kulturzaleek etxetik atera gabe antolatzaileen aurreikuspenak gaindituta.