Bizkaiko Batzar Nagusietako II. Berdintasun Planaren ekintzen barruan dagoen erakusketa da. Emakume artistaren 20 artelan batu dituzte erakusketan. Maiatzaren 26ra arte egongo da zabalik, 08:00etatik 20:00etara etenik gabe.

Artistek askotariko teknika eta adierazpen artistikoak erabili dituzte, horien artean eskultura eta zeramika, olioa edo argazki-konposizioa. Emakumea diskurtso narratiboaren ardatz bihurtzen da, “emakumeak artearen munduan duen lekua aldarrikatzea” helburua izanik. Erakusketak arte inklusiboaren ikuspegia ere lantzea lortu du, erakusketan desgaitasun psikikoa eta intelektuala duten artisten lanak ikus daitezke.

Arte Eszenikoen Max sarietarako izendatu dituzten Euskal Herriko sei artistaz eta konpainiaz hitz egin dugu Irati Agirreazkuenagarekin. Maria Goirizelaiak lau izendapen lortu ditu bi ikuskizun desberdinengatik: Altsasu obrarengatik eta Yerma antzerki obrarengatik. Hain zuzen, ikuskizun onenaren saria irabaz dezake Altsasu obrarengatik. Ane Pikazak Yerma antzezlanean duen rol protagonistarengatik jaso du izendapena, eta Marta Egiliorrek egile berri onena lortzeko izendapena lortu du Borderland opera obragatik.
Asteburu honetan Gasteizen ospatuko den Bertakofest jaialdia ere izan du hizpide kultur adituak. Martxoaren 11n eta 12an hainbat obra taularatuko dituzte Baratza aretoan, eta gaurkotasuneko gaiak landuko dituzte, umorea, dantza eta clown-a ardatz hartuta.
Gaur hasiko da Loraldia jaialdia Bilbon, eta egitarauaren barruan, Gabriel Arestiren omenezko egun osoko egitaraua antolatu dute larunbaterako. Goizean, ibilaldi gidatua egingo dute Arestirentzat erreferenteak izan ziren lekuak zeharkatuz. Bazkaria ere egingo dute, eta bertan hainbat kantari, antzerkigile eta bertsolariek hartuko dute parte. Miren Amurizak eta Ines Osinagak Arestiren hitzekin osatutako kantak abestuko dituzte. Amaitzeko, Arestiren iruditegian garrantzia handia izan zuen Otxarkoaga auzoan 15 minutuko arte bisualeko ekoizpen txiki bat ikusi ahal izango da.

Bere disko berria aurkeztuko du Mendizorrotzako agertokian uztailaren 8an, Jazzaldiaren azken egunean, hain zuzen ere. Uztailaren 3tik 8ra bitartean izango da Gasteizko Jazzaldiaren 46. edizioa.

Martxoaren 9tik aurrera, LABe Gazte Laborategian “Emakume Ugari” erakusketa ikusgai izango da. Sei emakume gazteren lanak jasotzen duen erakusketa da, hain zuzen ere. Artistak, aldez aurreko deialdi baten bidez hautatu dira.

“Desberdintasunak ez duela berdin” aldarrikatu dute ekitaldian. Zirgari Sarien ohorezko kategorian, Sara Estévez kazetariaren lana aitortu da. 1952an hasi zen lanean irratian, eta futbola bezalako kirol maskulinizatu baten lehen kronista bihurtu zen. Horrez gain, irratsaio bat zuzendu zuen lehen emakumea izan zen.

Erakundeen kategorian, alde batetik, AMUGE Bizkaiko emakume ijitoen lehen elkartea saritu da, emakume ijito asko ahaldundu dituelako. Bestalde, Lanbroa saritu da, feminismoaren elkarte aitzindarietako bat izan zelako Bizkaian.

Azkenik, Zirgari saria ESASentzat izan da. Duela bi urte sortutako sarea, kulturaren arloan berdintasuna lortzeko lan egin dute, hainbat ekimen antolatuz.

Gaur abiatu da Berria FM podcast feministaren ziklo berria, eta bi gidari berri ditu: Uxue Rey eta Ane Eslava. Reyk nabarmendu du podcastak balioko duela pausa txiki bat egiteko: “Gaurkotasunaren erritmo frenetiko horretan, albiste ugari sortzen ditugu eta asko oharkabean pasatzen dira. Uste dut hamabostean behin eseri, eta gertatutakoa ikuspegi feministatik patxadaz aztertzeko aukera izanen dugula”. Hala ere, Reyk nabarmendu du ez dituztela soilik martxoaren 8aren bueltakoak edo “titularrean emakume hitza” duten albisteak landuko. Izan ere, azaldu du imajina daitezkeen gai guztiak trata daitezkeela ikuspegi feministatik, eta hori izango dutela helburu.
Horretarako, Eslavak nabarmendu du askotariko eduki eta ahotsak landuko dituztela, eta formatu ezberdinak erabiliz egingo dutela hori. Saioa “dinamikoa” izango dela azpimarratu dute: “Erritmo arina izango du, baina arinkerietan erori gabe, beti zorrotz”, dio Reyk.
Hamabostean behin kaleratuko dute podcasta, eta Berriaren webguneaz gain, bestelako audio plataformetan ere entzun ahal izango da.

Estibaliz Urresola laurdioar zinemagilearen lehen film luzea da. Berlinaleko Sail Ofizialean estreinatu berri dute, eta Sofia Otero aktore basauriarrak antzezpen onenaren Zilarrezko Hartza irabazi du film horretan egindako lanagatik.

Zinemaldia apirilaren 21etik 28ra bitartean garatuko da Victoria Eugenia Antzokian eta Antzoki Zaharrean, baita hiriko beste agertoki batzuetan ere. Bestalde, aurten Carmen Castillo idazle eta zinemagile txiletarrak jasoko du Zinemaldiaren Saria.