Espainiako emakume futbolariek euren jardunaren profesionalizazioan dagoen blokeo egoera salatu dute aste honetan. AFE futbolarien sindikaturen egoitzan egin zuten bilera eta ostean prentsaurrekoa eman zuten egoeraren berri emateko eta ez dute baztertu jokalariak grebara deitzea aurrerapausorik egon ezean.

Taldearen bolada txarra dela eta, Neven Spahija kroaziarra hautatu du zuzendaritzak, Ivanovic ordezteko. Gasteizen izandakoa da Spahija 2007/2008 denboraldian eta ordukoan ACB Liga eta Espainiako Superkopa irabazi zituen.

Urtebeteko etenaren ostean bueltan izan da Behobia-Donostia lasterketa, 25.000 parte-hartzaile ingururekin. Eneko Agirrezabalek eta Nuria Luguerosek irabazi dute lasterketa. Agirrezabal segurarrak 1.01.41eko denbora egin du. Luguerosek, berriz, 1.12.42 behar izan du ibilbidea amaitzeko.

Aimar Olaizolak azkeneko partida jokatu zuen larunbatean jaioterrian, Goizuetan, bere 42. urtebetetze egunean. Partida irabazita agurtu da, 22-14ko emaitzarekin irabazi baitie Jaka eta Aretxabaletari Ander Imazekin batera. Ondoren, omenaldi herrikoi batekin eman diote bukaera jaialdiari.

Sufrituta, aspaldi izan duen partida gogorrenetarikoan, baina hirugarren txapela lortu du Altunak lau t’erdikoan. Harmailak beterik eta giro apartaz ekin diote Unai Lasok eta Jokin Altunak finalari Bilboko Bizkaia Frontoian eta giroari joko ikusgarriaz erantzun diete pilotariek zaleei.

Dena dute prest Jokin Altunak eta Unai Lasok igandeko 4 t’erdiko final handirako. Atzo egin zuten material hautaketa eta bat etorri ziren bi finalistak piloten egokitasunean. Aitzakiarik gabe arituko dira, beraz, Bilboko Bizkaia Frontoian biak ala biak txapelaren bila baina egoera arras ezberdinetan.

Faborito eta izangaiaren arteko partidua irudikatzen du mundu guztiak. Altunak bosgarren txapela du irabazteko, baina Lasok ezer gutxi galtzeko, lehen finala baitu, eta hori baliatu nahiko du lehenengoa eskuratzeko.

Lau t'erdiko finalerako material aukeraketa egin dute Jokin Altunak eta Unai Lasok. Izan ere, nor baino nor gehiago arituko dira biak azaroaren 14an, Bilboko Bizkaia pilotalekuan.