Eztabaida sortu du Rafa Nadal tenislariak bere 21. Grand Slam txapelketa irabazi ostekoak. Komunikabide ugarik marka hori lortzen duen lehena izan dela aipatu dute egunotan baina badira hiru emakume titulu gehiagorekin: Margaret Cort, Serena Williams eta Steffi Graf.

2023ko Frantziako Tourrak Euskal Herritik egingo dituen hiru etapak aurkeztu dituzte Gasteizko Europa Jauregian. Tourraren 110. edizioa Bilbotik abiatuko da datorren urteko uztailaren 1ean. Ekitaldira Iñigo Urkullu lehendakaria, Christian Prudhomme Frantziako Tourreko zuzendaria, Araba, Bizkaia eta Gipuzkoako Ahaldun Nagusiak, Bilbo, Gasteiz eta Donostiako alkateak eta beste agintari eta txirrindularitzaren munduko hainbat ordezkari izan dira; tartean, Joseba Beloki, Agurtzane Elorriaga eta Txomin Perurena.

Atzo arte ez zuen Mario Lopezen taldeak garaipenik lortu etxean Eurokopan eta egunik onena hautatu zuten aurrenekoa eskuratzeko. Kale edo bale egiteko momentua heldu denean eman dute jokorik onena Gernikarrek eta Cukurova talde turkiarra hartu dute mendean bart Malosten, 83-59.

Eurokopako kanporaketen faseari ekingo dio Lointek Gernika Bizkaiak gaur arratsaldean Cukurova talde turkiarraren aurka. Multzoen fase zaila izan dute bizkaitarrek eta bi norgehiagoka irabazita hirugarren sailkatu da Mario Lopezen taldea. Horiek horrela, multzoburu bat egokitu zaio Gernikari lehen kanporaketan, aurreko fasean lehia guztiak aise irabazi dituen Cukurova taldea, hain zuzen. Joaneko partida Malosten jokatuko dute gernikarrek.

Karmele Gisasolak eta Iker Vicentek irabazi dute Aizkolari Txapelketa Nagusia. Biek erakutsi dute lehiakideak baino koxka bat gorago daudela Bilboko Miribillan jokatutako finalean.

Athleticek ostiralean jokatuko du Levanteren zelaian, Alavések eta Osasunak irteera zailei egingo diete aurre larunbatean, Sevilla eta Atletico Madrilen aurka aritzeko, hurrenez hurren, eta Realak, azkenik, Valentzia hartuko du Anoetan lidergoari eutsi nahian.

Espainiako emakume futbolariek euren jardunaren profesionalizazioan dagoen blokeo egoera salatu dute aste honetan. AFE futbolarien sindikaturen egoitzan egin zuten bilera eta ostean prentsaurrekoa eman zuten egoeraren berri emateko eta ez dute baztertu jokalariak grebara deitzea aurrerapausorik egon ezean.

Taldearen bolada txarra dela eta, Neven Spahija kroaziarra hautatu du zuzendaritzak, Ivanovic ordezteko. Gasteizen izandakoa da Spahija 2007/2008 denboraldian eta ordukoan ACB Liga eta Espainiako Superkopa irabazi zituen.