Kirola

All Stories

Alavesek Machin kargutik kendu du eta Asier Garitano Huescatik gertu dago

Kiroletan, Alavesek Pablo Machín entrenatzaile kargutik kendu du. Ezustean hartutako erabakia da baina zuzendaritzak talde gasteiztarraren norabidea aldatzeko asmoz egindakoa. Gaurkoan, Javi Cabellok zuzendu du arabarren lan saioa eta Alavesek entrenatzaile berriaren izena iragarri bitarte hala izaten jarraituko du. Itxura guztien arabera, gasteiztarrek Abelardo Fernandezen itzulera nahi dute. Bestetik, Alavesen ezagun zahar batek, Asier Garitanok hain zuzen ere, Huescaren teknikari berria izatetik gertu dago.

Iraia Iturregi Athletic-eko entrenatzaile izendatu dute

Kiroletan, Athletic-ek Iraia Iturregi entrenatzaile gisa aurkeztu berri du: Zuri-gorrien bolada txarraren ondorioz, dagoeneko bederatzi partida eman baitituzte garaipenik lortu gabe, Loiukoak Angel Villacamparen postua hartuko du eta lehen taldea zuzentzen duen aurreneko emakumezkoa izango da. Bere aurreneko erronka, igande honetan bertan, Eibarren aurkaka Lezaman jokatu beharreko derbian izango du.

Marcelinok porrotarekin hasi du bere ibilbide zuri-gorria

Gaizka Garitano kargutik kendu ostean, Athletic-ek Marcelino García Toral asturiarra izendatu zuen gizonezkoen lehen taldeko entrenatzaile gisa. Bart, bere aurreneko partida zuzendu zuen Bartzelonaren aurka eta lehoiek bere joko-estiloaren lehen zertzelada batzuk erakutsi bazituzten ere, kataluniarrek nagusitasun handia azaldu zuten Messi eta Pedri gaztearen eskutik. Azkenean, bi eta hiru markagailuan. Bestalde, gure taldeek Kopako partidak jokatu zituzten baita: Osasunak eta Alavesek hurrengo kanporaketarako txartelak lortu zituzten Olot eta Deportivo mendean hartuta. Aldiz, Mutilverak, ahalegin handia egin arren, bat eta hiru galdu zuen Betisen aurka.
hamaika telebista

Image