Espainiako Kopako finalerdiaren atarian, LKN artistak bi grafiti egin ditu Bilbon eta Iruñean. Chimy Avila eta Iker Muniain agertzen dira bertan, besarkatzen eta elkar musukatzear. Bi taldeen arteko lehiari erreferentzia eginez, honakoa dio Muniainen elastikoak: “Ezinezko maitasuna”.

Jaialdi bakoitzean, emakumeen binakako eta gizonen buruz buruko partidu bana jokatzen da, astelehenetan. Maite Ortiz de Mendibil eta Maialen Aldazabal Winter Series txapelketako finalera sailkatu dira.

Urtarrilaren 14an Sadarren gertatutakoa “oso larritzat” jo du Osasunako zuzendaritza batzordeak. Segurtasun indarrek Sadarreko harmailetatik hainbat ikur kenarazi zituzten egun hartan, haien artean, ikurrin bat eta Nafarroako bandera bat. Afizioaren erantzuna berehalakoa izan zen, “ikur uholdea” egiteko deialdia egin zuen Kopako finalean. Klubak berehala gaitzetsi zuen gertatutakoa, eta orain Segurtasun zuzendariari “dagokion zigorra” ezarri dio.

Kirol emaitzak aztertu ditugu Ane Urkiri kazetariarekin. Pista estaliko Espainiako txapelketa izan du hizpide. Azaldu du duela bi aste 23 urtez azpiko atletismoko pista estaliko Espainiako Txapelketa egin zela, eta asteburu honetan, berriz, maila absolutuan aritu direla kirolariak. Urkirik azpimarratu du euskaldunek zazpi domina lortu zituztela, eta horietatik bost emakumezkoenak direla. Urkirik Teresa Errandonea kirolaria ere nabarmendu du. Lesio baten ondorioz, 10 hilabete lehiatu gabe egon da, eta zilarrezko domina lortu du.
Kutxabank Araskik eta IDK Euskotrenek elkarren aurka jokatutako partida ere izan du hizpide, eta nabarmendu du azken horrek lortu zuela garaipena.

Ruben Zuluetak eta Jose Ignacio Fernandezek CaMinus elkartea osatzen dute Antonio Gonzalezekin batera. Hirurek ekainaren 21ean hasiko dute Euskal Herriko itzulia, Rubenen eta Jose Ignaciok gurpildun aulkian egingo dute eta Antoniok lagunduko die bidaia horretan. Itzuliaz gain, zenbait ikastetxetara joango dira hitzaldiak eskaintzera desgaitasuna ikustarazteko helburuarekin.

Emakume Master Cupeko arropa aurkeztu dute. Kolore, ehun eta diseinu berritzaileak dira nagusi. Oraingoan, Astorek gorria, zuria eta urdina nahastu ditu. Pilotalarien oso gustukoak dira. Txapelketaren zazpigarren edizioa dagoeneko abian da, eta martxoaren 26an finala jokatuko dute.