Image

Kirola

All Stories

Urriaren 29ra arte ospatzen ari dira Munduko Pilota Txapelketa, Biarritzen

Bost kontinentetako 36 selekzio ari dira lehian, hemeretzi modalitatetan, eta horien artean 91 euskal pilotari. Hauek, Espainiarekin, Frantziarekin, AEBekin, Txilerekin eta Kanadarekin lehiatu behar dira. Ezin dute egin, ordea, euskal selekzioarekin. Ez denez ofiziala, ezin du parte hartu Nazioarteko Euskal Pilota Federazioak antolatutako txapelketa ofizialetan.

Ibai Zabala, pilotaria: 'Gure selekzioarekin jokatu ahal izatea aldarrikatzen dugu'

Urriaren 22tik 29ra jokatuko dute Munduko Euskal Pilota Txapelketa. Bost kontinentetako 36 selekzio lehiatuko dira hemeretzi modalitatetan eta 91 euskal herritar ariko dira Espainia, Frantzia, AEB, Txile eta Kanadarekin. Nahiz eta erakundeen esku egon, pilotariek gurea ez den selekzioari uko eginez euskal selekzioaren aldarria bultzatzera dei egin du Ibai Zabala pilotariak.

Kieveko Dynamoko hintxa faxistek euskaldunen aurkako irainak daramaten misilen argazkia zabaldu dute

Kieveko Dynamoko ultra faxistek Donbasseko herritar zibilen aurka zuzendutako misilak margotu dituzte, euskal herriaren eta Bilboko Athletic zaleen aurkako mezu naziekin. Mezuek "Dynamo Kiyv WBC sinadura daramate, White Boys. Asteburuan Athleticeko zaletu batzuek salatu zuten Donetskeko errepublikako bandera kendu ziela Ertzaintzak. Bilboko alkate Juan Mari Aburtok adierazi du "une honetan Errusiaren aldeko bandera bat erakustea erabat probokatzailea" dela.
Donbass eskualdeko bandera erakusteak kiroleko indarkeriaren, arrazakeriaren, xenofobiaren eta intolerantziaren aurkako 2007ko legea betetzen ez zuelako kendu zieten. 6B artikuluaren arabera, debekatuta dago "indarkeriara bultzatzen duten pankartak, banderak, sinboloak edo bestelako ikurrak sartzea, erakustea edo egitea".

Euskal Herria-Donbass Elkartasun Komiteak Ertzaintzaren jokabidea salatu du. Ukrainako bandera erakutsi daitezke baina Donetskekoa ez.

Euskal Herriko pilota selekzioaren ofizialtasunaren aldarrikapena, Durangon

Munduko Pilota Txapelketa urriaren 23tik 29ra jokatuko da Biarritzen (Lapurdi). Bost kontinenteetako taldeek jokatuko dute han, baina ez da etxeko talderik izango, Euskal Herriko selekzioak ez baitu Nazioarteko Euskal Pilota Federazioak antolatutako txapelketa ofizialetan parte hartzerik.

Egun, euskal pilotariek Espainiako, Frantziako edo atzerriko beste selekzioren batekin jokatzea dute nazioarteko txapelketa ofizialetan parte hartzeko modu bakarra.

Durangon bildutakoek Munduko Pilota Batzarrari eta euskal pilota federazioei eskatu diete irtenbide egokiak topatzeko lanean jarraitzeko, eta horretarako beharrezko erabakiak hartzeko.

Euskal Herriko gainerako instituzioei, berriz, euren esku dauden tresna guztiak baliatzeko exijitu diete.
hamaika telebista

11 laguntzaile

Image