Alex Mumbruk agur esan du Bilbao Basketeko entrenatzaile gisa. Hamahiru sasoi egin ditu Bilbo Basketen: bederatzi, jokalari gisa, eta azken laurak, entrenatzaile.

Xabier Ortiz de Luzuriagaren omenezko 17. mendiko bizikleta ibilaldia egin da igandean Hegialden (Legazpi). 270 pertsona inguruk hartu dute parte. 38 kilometroko ibilaldia izan da, 1.350 metroko desnibelarekin. Irteera eta helmuga Laubideko kale nagusian izan dira.

Urteroko Emakumearen Lasterketa izan da igandean Gasteizen. 4.000 emakume inguruk hartu dute parte hiria zeharkatu eta 5'6 kilometroko zirkuitua osatzen duen hitzorduan. Lasterketaren aurretik, Blanca Lacambra eta Nieves Zarza kirolariei egin diete omenaldia.

Hindleyk irabazi du Italiako Giroa; Carapazek eta Landak osatu dute podiuma. Landa da azken hogei urteetan itzuli handietan gizonezkoetan podiumera igo den euskal txirrindulari bakarra (hirugarren 2015ean eta aurten).

Eguraldia lagun, jende ugari batu da Zemaga-Aizkorri mendi maratoian. Lasterketa esanguratsu hau, bi urtez lehiatu gabe egon da eta korrikalariak zein ikusleak oso gogotsu zeuden, igande honetan erakutsi bezala. Goi-mailako kirolariak hurbildu dira hitzordura eta ikuskizun aparta bizi ahal izan da. Kilian Jornetek irabazi du gizonezkoetan eta Nienke Brinkman gailendu da emakumezkoetan. Alberto Aierbe lasterketaren sortzaile eta zuzendariak egin du balorazioa.

Zegamako mendi maratoian Kilian Jornetek eta Nienke Brinkmanek inoizko errekorrak hautsi dituzte. Euskaldunen artean, berriz, Aritz Egea izan da azkarrena eta Sara Alonso donostiarrak emakumeen podiuma osatu du. Eguraldiak lagunduta, zale asko elkartu dira XXI. Zegama-Aizkorrin.

Hirugarrenean gauzatu du ametsa Unai Lasok. Txapela lortuta. Baikoko pilotaria nagusitasunez gailendu da Joseba Ezkurdiaren aurka Buruz Buruko finalean, 7 eta 22.
Historian lehen aldiz, Nafarroan jokatu da final handia, bi nafarren artean.

Zegama-Aizkorri mendi maratoiaren atarian, korrikalariak igandea iristeko irrikan daude. Askorentzat lehen aldia da eta euren ametsa beteko dute. Ezequiel Pauluzak argentinarra horietako bat da. Esan digu mendiko korrikalari guztiek egin nahi eta amesten duten lasterketa dela Zegamakoa.