Skip to main content
bannerra

Azken bideoak: Gaikakoa

bideoa prestatzen
EGUNEKOA: politika, gizarte eta kultura albisteen bilduma

2018-12-18
Arlo politikoan, G7ko bilkuraren prestaketagatik Miarritzen sortutako istiluei, Demokrazia Bai plataformak aurkeztutako manifestuari, Kataluniako buruzagi independentisten aurkako auziari eta Foro Sozial Iraunkorrak Nafarroako Parlamentura egindako bisitari erreparatu diegu. Gizarte gaietan, merkataritzan jai egunak jai egiteko aldarrikapena aipatu dugu. Azkenik, kultura albisteetan, Jazz Hitz aldizkariaren sorrera hartu dugu hizpide.
bideoa prestatzen
EGUNEKOA: albiste nagusien bilduma

2018-12-17
Bost euskal herritarren aurka Parisen abiatutako epaiketa eta Altsasuko gazteei ezarritako 600 euroko isuna aipatu ditugu arlo politikoan. Gizarte gaietan, ELAko idazkari nagusi izateko hautagaia Mitxel Lakuntza izango dela, pentsiodunek mobilizazioei eutsiko dietela eta Nafarroako Gobernuak LGTBI+ kolektibora bideratutako ekintza plana aurkeztu duela zehaztu dugu. Kutlura eremuan, 2019ko Donostiako Urrezko Danborra Rosa Garciak jasoko duela kontatu dugu, eta, kiroletan, Aitor Zabaleta hiltzea egotzi zioten Ricardo Guerra Belgikan atxilotu dutela.
bideoa prestatzen
Bizi duina aldarrikatuko dute pentsiodunek Hego Euskal Herriko hiriburuetan

2018-12-14
Gobernuan puri purian dago aurrekontuen gaia, Jaurlaritzak atzera bota du. Pentsiodunen plataformak eta mugimenduek sinatutako manifestazioak, abenduaren 15ean Hego Euskal Herriko hiriburu guztietan egingo dira. Berriz ere, elkarteek beren aldarrikapenak kalera aterako dituzte, bizimodu duinago baten alde oihukatuz.
bideoa prestatzen
EGUNEKOA: politika, gizarte, komunikazio eta kirol albisteen bilduma

2018-12-13
Eusko Jaurlaritzak 2019ko aurrekontuak erretiratu izanari, Foro Sozialak Eusko Legebiltzarreko Memoria eta Bizikidetza Lantaldeko desadostasunez azaldu duen kezkari eta Kalera kalera dinamikak gabonetarako antolatutako mobilizazioei erreparatu diegu arlo politikoan. Gizarte gaietan, Kontseiluak Nafarroako Euskararen lege berriaz esandakoak jaso ditugu. Komunikazio albisteetan, Info7 irratiaren larunbateko itxiera aipatu dugu. Azkenik, Euskadiko Futbol Federazioak UEFAko eta FIFAko kide izateko eskaera ofiziala egiteko hartu duen erabakia hartu dugu hizpide.
bideoa prestatzen
EGUNEKOA: albiste nagusien bilduma

2018-12-12
Eusko Jaurlaritzako aurrekontuen negoziazioari eta Justizia Iñigorentzat plataformak egindako protestei erreparatu diegu arlo politikoan. Gizarte gaietan, berriz, Osakidetzako LEPaz ikerketa ez zabaltzeko Eusko Legebiltzarreko erabakia eta hainbat hezkuntza eragilek EAEko Hezkuntza Legeaz egindako eskaerak hartu ditugu hizpide. Kultura albisteetan Berri Txarrakek 2019rako iragarritako etenaldi mugagabeari eskaini diogu arreta. Azkenik, Athleticen hauteskunde kanpaina abian den honetan, hautagaitza bati elkarrizketa egin diogu.
bideoa prestatzen
EGUNEKOA: albiste nagusien bilduma

2018-12-11
Eusko Jaurlaritzaren 2019ko aurrekontuen inguruko eztabaida eta Eneko Compainsen tortura salaketak berriz artxibatu izana hartu ditugu hizpide arlo politikoan. Nazioarteko gaiei dagokienez, Jaka Horien auziaz Emmanuel Macron Frantziako presidenteak esandakoei erreparatu diegu. Gizarte arloan, Donostiako Tabakalerako Ubik liburutegiko langileen protestak hartu ditugu hizpide. Kultura albisteetan, Bizkaiko Bertsolari Txapelketako finalaren berri jaso dugu. Kiroletan, azkenik, Athleticen garaipen desiratuari.