GAL ikertzeko sortutako B-Egiaz plataformak ostiralean iragarriko du Auzitegi Nazionaleko fiskaltzaren erantzuna. Plataformak, besteak beste, GAL nork antolatu zuen ikertzeko eskaera egin zuen, eta iragarri du ekinbide berriak abian jarriko dituztela egia osoa jakite aldera. Bestalde, ateak zabaldu ditu Biktimen Memorialak Gasteizen Espainiako Bankuaren eraikin zaharrean.
Astearte honetan ireki ditu ateak ETAren Biktimen Oroimenerako memorialak. Gasteizko erdigunean eraikitako eraikina da, eta Meliton Manzanas edo Carrero Blanco bezalako ETAren biktimak ditu gogoan, baina ez ditu aintzat hartu 1976ko martxoaren 3an Zaramagako kaleetan hildako bost langileak, ezta Espainiako Estatuak eragindako indarkeriaren gainerako biktimak ere.
Gaur inauguratu dute ETAren biktimak oroitzeko memoriala, eta elkarte memorialistek "diskriminatzailetzat" jo dute.
Nafarroa Berriz Altxa ekimena sortu dute aurten, burujabetzaren aldarria kalera ateratzeko. Maiatzaren 22an, 1521ean gaztelarren aurka altxa ziren herritarrak omendu zituzten, eta ekainaren 19an dute hurrengo hitzordua. Joseba Compains ekimeneko kidearekin hitz egin dugu, eta nabarmendu du "gertakari historikoa herria Nafarroako burujabetzaren alde mobilizatzeko palanka" dela.
Eusko Jaurlaritzak "ETAk espetxeetako funtzionarioen kolektiboarengan egindako presioa" aztertuko duen azterlana egingo du. Bestalde, Benito Aguirre Zaballako espetxeko zuzendariak Jaurlaritzak garatzeko asmo duen espetxe-eredua baloratu du eta harekin bat datorrela adierazi du.
