Gasteizko Zentro Sozialista desalojatu dute gaur, iragarrita zegoen bezala, Laboral Kutxa legezko jabearen aginduz. Ertzaintzak hainbat gazte identifikatu ditu, eta bi gazte atxilotu. Hiru pertsona ospitaleratu dituzte oldarraldiaren ondorioz. Bertako kideek presentzia polizial “itogarria” arbuiatu dute eta Laboral Kutxaren hipokresia salatu, negoziaketari uko egin eta espazioa husteagatik.

Garbiñe Bueno Iruñeko EH Bilduren zinegotzia elkarrizketatu dugu; abenduaren 30ean bozkatutako aurrekontuen ezetza dela eta. Hain justu, Garbiñe Buenok hartu zuen kargua hori gertatu baino bi egun lehenago, aurrekontuak atzera botatzeko mugarri izan zena. Orain, "herritarren beharrak benetan erantzuten saiatzeko" proiektuak egiteko lanean daudela azaldu du.

Horrez gain, uholdeek utzitako ondorioei nola aurre egin eta aste honetan Tuteran izandako erahilketa matxista ere izan ditu hizpide.

Hona hemen Hamaika Telebistak egindako 'Etxerako bidean' mobilizazioen saio bereziaren laburpena.

Saioa osorik ikusteko: https://youtu.be/ecIGt-WzL9s

Ipar Euskal Herrian Baionan izan zuten presoen etxeratzearen aldeko hitzordua. Bi mila lagun bildu ziren bertan eta orain bakegileek otsailaren 18an ekingo diote fase berriaren lehenengo ekintzari, Frantziako Gobernuarekin duten “blokeo egoera” gainditzeko helburuarekin.

Asteburuan milaka eta milaka lagun kalera irten dira euskal presoen eskubideen alde eginez. Osasun egoera dela eta Sarek Bilbon egin asmo zuen mobilizazio jendetsua bigarren urtez jarraian Euskal Herriko hiri, herri eta auzoetara hedatu zuten 'Elkarbizitzarako, bakerako eta etxerako bidean' lelopean. Urrunketaren eta euskal presoei ezartzen dizkieten gainerako salbuespen neurrien bukaera exijitu zuten manifestariek eta ia 200 tokitatik zabaldu zuten aldarrikapena.

Gaur, urtarrilak 8, #BIDEAN lelopean, espetxe salbuespenaren aurkako mobilizazio egun handia da. Mikel Mundiñanorekin hitz egiteko aukera izan dugu Hamaika Telebistan. "Azken urteetan, beti, balorean jartzen ari gara urrunketari dagokionean emandako urratsak, baina oraindik ezin dugu egoera normalizatu, lehenbailehen urrrunketarekin amaitu eta salbuespena indagabetu behar da" azaldu du.