Nafarroak 128 Covid-19 kasu berri atzeman zituen igandean, joan den martxoaren 27tik izan den daturik baxuena. Positiboak aurreko egunean baino 15 gutxiago izan dira.

Gaur Nafarroa Gaur albistegiko lan-taldea Iruñeko Liburuaren Eguneko azokan izan da. Hau da bertan topatu duguna!

Langile publikoek lanuzteak egin dituzte bart zerbitzu publikoen defentsan, sindikatuek "arrakastatzat" jo zuten sektore publikoko greba, Eusko Jaurlaritzak, aldiz, datu apalagoak eman ditu. Bestalde, sindikatuek salatu zuten, Eusko Jaurlaritzak %100eko gutxieneko zerbitzuak ezarri zituenez grebaren eragina nabarmen txikitu zela. Gauzak horrela, Osakidetzan grebak eragin txikia izan zuen, eta garbitzaileek ezin izan zuten greban parte hartu.

Hala ere, sindikatuek behin-behinean ari diren beharginen artean babes “oso zabala” izan zuela adierazi arren, Eusko Jaurlaritzak kopuru nabarmen txikiagoak eman zituen, gobernuaren arabera, administrazioko langileen %16,4k egin baitzuten greba.

Iratzar Fundazioa, Transform Europe eta EHU-ko Parte Hartuz erakundeek elkarlanean antolatutako jardunaldien bigarren egunari ekin diote. Goizeko hitzaldian praktikatik aritu dira eta, gaur egungo instituzio amaraunetik abiatuta, boterea okupatzeaz jardun dute. Arratsaldean, ehun sozialaren, espazioa eta ekonomiaren arteko dinamika eta prozesuaz arituko dira. Horretarako, Larraitz Ugarte eta Andoni Egia izango dituzte gogoeta gidari.

Ekin diete Iratzar Fundazioa, Transform Europe eta EHU-ko Parte Hartuz erakundeek elkarlanean antolatutako jardunaldiei. Lehenengo saioan solasaldi batekin hasi ziren: Ane Irazabal nazioarteko berriemaileak, munduko ordena berria aztertu zuen, Jon Azkune EHUko Zientzia Politikoko irakasleak Estatuaren irakurketa erlazionala eta Txex Etxeberri Estatuaren, komunitatearen eta ekonomiaren arteko harremanaz aritu zen. Solasaldiaren ondoren Saskia Sassen soziologo eta irakasle herbeheretarrak egungo errealitatea aztertu zuen. Bere esanetan, gizarteak modernitate berri bati aurre egin behar dio, "Logika oso lokaletan eta oso globaletan" oinarrituta.

ELA, LAB, CCOO, SATSE, ESK eta Steilas sindikatuek greba eguna antolatu Arabako, Bizkaiko eta Gipuzkoako sektore publiko guztian. Sindikatuek adierazi dute, 18.000 pertsona elkartu direla gaur goizean Bilbon, Donostian eta Gasteizen egin dituzten manifestazioetan. Administrazio publikoko langileek «zerbitzu publikoen alde, enplegua sortu eta kontsolidatu» lelopean, enplegu publikoak indartzeko neurriak eskatu dizkiete agintariei.

Instituziogintza eraldatzaile baten inguruan berpentsatzea izango dute hizpide Iratzar Fundazioa, Transform Europe eta EHU-ko Parte Hartuz erakundeko kideek, elkarlanean antolatu dituzten jardunaldietan. Informazio gehiagorako iratzar.eus webgunea duzue eta jardunaldiak Iratzar YouTubeko kanalez ere jarraitu ahalko dira.

“Nazkatuta gaudelako ikasleria martxan” aldarripean atera da Ikama ikasle mugimendua hainbat hiri eta herritan. Ikamako ordezkariek salatu dutenez, COVID-19aren eraginez, aurtengo ikasturtea inoiz izandako zailena da.