Gizartea

All Stories

“6 Balore 6 Kolore”, aldarrikapenez beteriko ortzadarra

Yogurinha Borovak eta Pirritx, Porrotx eta Marimototsek aldarriz beteriko proiektua aurkeztu dute. Bilboko zortzi elkarterekin (Aspanovas, Naizen, Uribarriko eskola, Ttanttaka, Deustuko Arraun Taldea, Kale Dor Kay, Urretxindorra ikastola eta EHGA) elkarlanean egindako proiektua gizarte arloko balioak aldarrikatu dituzte. Bilbo askotarikoa, koloretsua eta anitza sortzea da eragileen helburua, eta horretarako, sei abesti eta dantza interpretatu dituzte hiriko sei auzotan.

Era berean, ostadarra osatzen duten kolore bakoitza balio batekin lotu dute; gorria elkartasuna, laranja errespetua, horia euskara, berdea ekologia, urdina kultur aniztasuna eta morea hezkidetza. Hala ere, kulturgileek azaldu dutenez, ateak zabalik utzi dituzte, "hamaika balio daudelako eta munduak hamaika kolore dituelako".

Prentsa Askatasunaren Nazioarteko Egunean informazioa ondasun komun gisa aldarrikatu dute

Prentsa Aaskatasunaren Nazioarteko Eguna ospatzen da gaur. 1991ko maiatzaren 3an Prentsa Afrikar Independente eta Pluralista Sustatzeko Windhoekeko Adierazpena onartu zuten UNESCOk eta Nazio Batuen Erakundeak Namibiako hiriburuan. Ildo horretan, 30. urteurrenean informazioa ondasun komun gisa aldarrikatu dute.

Beltranen bila dabilen lan taldea “azken eremu beroa” arakatzen hasiko da

Zaldibarko hondamendia gertatu zenetik ia hamabost hilabete igaro direnean, Jaurlaritzak jakitera eman duenez, maiatzaren erdialdean "azken eremu beroa arakatzea" espero dute. Bestalde, teknikariak "hormigoizko egituren higadurarekin harrituta" daudela gaineratu du.

Gaur gaurkoz, 721.425 dosi eman dituzte Araban, Bizkaian eta Gipuzkoan

Egun bizi dugun izurriaren aurkako txertaketak bere horretan jarraitzen du. Gaur gaurkoz, 721.425 dosi eman dituzte Araban, Bizkaian eta Gipuzkoan; alegia, hiru lurraldeetako biztanleen %24,4k dosi bat jaso dute, eta %8,8k, biak. Bestalde, AstraZenecarekin duela gutxi txertatu zuten emakume bat odolbildu batekin ospitaleratu dute Gasteizen. Hori dela eta, ikerketa bat abiaraziko dute gertaeraren inguruan, eta txertaketaren eta odolbilduaren artean loturarik ote dagoen edo ez aztertuko dute.
hamaika telebista

Image