Maiatzaren 3ra arte deitutako hamahiru eguneko grebari hasiera eman diote Bizkaiko zahar etxeetako langileek, ELAk deituta. Jaurlaritza gutxieneko zerbitzuak ezarri ditu, sektoreko langileen % 80 greba eskubiderik gabe utzi die, eta erabaki hori salatu dute grebalariek Eusko Jaurlaritzaren egoitzaren aurrean.

Implika hezkuntza zentroak gutxienez 87 pertsona kaleratu nahi ditu Bilbon, dagoeneko iritsi dira kaleratze gutunak. Langileek helegitea jarri diote erabakiari ELA sindikatuaren babesarekin, eta litekeena da epaitegietan amaitzea.

Hasieran enpresak 100 langile kaleratu nahi zituen, baina negoziazioen ostean kaleratze kopurua jaitsi zuen, eta lan urte bakoitzeko 33 laneguneko kalte-ordaina eskaini zuen, urte bateko soldataren mugarekin. Langileek, baina, ez zuten onartu. Langile batzordeko hamahiru kideen gehiengoak aurka bozkatu zuten, tartean ELA sindikatuko zazpiek.

Jaurlaritzako Elkarrizketa Sozialeko Mahaiak ohiko batzarra izan du, 2023ko ekitaldian garatu beharreko lan egitasmoa onartzeko. Hasieran, Araba, Bizkaia eta Gipuzkoan lau eguneko lanaldiaren entsegua egiteko ekimen bat sartu nahi zen, baina, azkenean, ez da hala izango, Confebask aukera horren aurka agertu baitzen. Hala, Lakuaren asmoa da proiektu hori esparru horretatik kanpo bultzatzea.

Sindikatuek adierazi dutenez, Adegiren azken proposamenean soldata taulen aldaketa bat eta euskara sustatzeko plan bat sartu ditu patronalak, baina uste dute ez dela nahikoa. Bestalde, patronalak sindikatuei adierazi die gaur mahaira eraman duen proposamena “oso gertu” dagoela bere azken eskaintza izango litzatekeenetik.

ELAren ustez, tauletako soldatetan aurrerapausoak eman badira ere, ez da nahikoa soldata errealetan planteatzen den igoera. Halaber, euskararen normalizazioan izandako aurrerapena “positiboki” baloratzen du ELAk.

LABek adierazi du patronalak ez duela “benetako urratsik egin”, eta “bere horretan” jarraitzen duela. Era berea, CCOOk gaurko bilera “edukiz hutsa” izan dela esan du. UGTk uste du lanaldiaren murrizketan aurrerapausoak eman behar direla.

Eusko Jaurlaritzako, Confebaskeko eta CCOO eta UGT sindikatuetako ordezkariak bildu dira asteazken honetan, bertan hurrengo hilabeteetarako eginbeharren programa osatu dute. Itunaren oinarriak dagoeneko finkatu dituzte gizarte eragileek, eta horregatik oso pozik azaldu da Nerea Melgosa sailburua.

Hiru helburu nagusi izango ditu zaintzen aldeko itunak: zaintza behar duten pertsonen “ongizatea” bermatzeko politikak sustatzea, sektoreak jasaten duen genero arrakala desagerraraztea, eta sektore horretan kalitatezko enplegua sortzea.

Hurrengo hilabeteotan gazteen enpleguaren kalitatearen aldeko itun baterako oinarri komunak aztertuko dituzte eta 45 edo 50 urtetik langileen okupazio tasak handitzeko programa bat diseinatuko dute.

Langileak hiru eguneko lanuztea egiten ari dira lan hitzarmen berri bat eta “baldintza duinak” aldarrikatzeko. Nafar gobernuari leporatzen diote zahar egoitza kontzertatuen baldintza kaxkarrak, egoitza publikoekin alderatuta. 2021eko maiatzen hasi ziren hitzarmen sektoriala negoziatzen, baina oraingoz, handiak dira sindikatuen eta patronalaren arteko desadostasunak. Hitzarmenak 70 zentro baino gehiagotan lan egiten duten 4.500 pertsona ingururi eragingo die.

Zehazki, zaintza sistema “publiko, doako eta unibertsal” baten alde egin dute sindikatuek. Haien eskaeren artean daude; urteko lanorduak murriztea, soldata handitzea 1.500 euroraino, eta hitzarmena egoitza guztietan aplikatzea.