Jendeak pentsatzen du ekologismoak berri txarrak baino ekartzen ez dituela, baina norabide itxaropentsu eta alternatibak beste dira berri horiek. Izan ere, kolapsoaren alternatibei heldu diete Maitane Arri eta Iñaki Barcena Ekologistak Martxaneko kideek. Besteak beste, ondoko ideia azpimarratu gura izan dute: zaintzarik gabe ez dagoela bizigarria den bizitzarik.

Epaitegiek hainbatetan esan dute autonomoak ez, baina hirugarren batentzat jarduten duten soldatapeko beharko luketela, eta orain Espainiako Gizarte Segurantzak salaketa bat jarri du Glovo enpresaren aurka, plataforma digital horrentzat ari diren 280 banatzaile besteren konturako langiletzat hartu eta erregimen orokorrean sar ditzan. Gauzak horrela, ELA prozedura judizial horretan agertu da, eta iragarri du justiziak demanda aintzat hartzen badu eskaera zehatz bat egingo duela. Horixe azaldu du Mari Cruz Elkoro ELA sindikatuko Zerbitzuak federazioko idazkari nagusiak. Esan duenez, ondokoa da sindikatuaren eskakizuna: langileek autonomoen erregimenari ordaindutako kuotak itzultzea.

Txinak multilateralismoaren aldeko estrategia indartu du. Pandemiak behartuta modu birtualean egindako goi-bilera batean, Asia-Pazifikoko 15 herrialdek Eskualdeko Elkarte Ekonomiko Integrala sortzea adostu dute, ingelesezko sigletan RCEP deritzona. Munduko merkataritza libreko trataturik handiena bezala aurkeztu dute, eta, Joe Bidenek herrialdearen norabidea hartu bitartean, Ameriketako Estatu Batuak pisua galdu du Txinaren mesedetan. Asier Blas analista geopolitikak bizi duen trantsizioaz aritu da.