ELAk eta LABek termino positiboetan jaso dute Adegiren proposamena, baina oraingoz ez dute akordiorik lortu. ELAk eta LABek negoziazioen egindako presioari egotzi diote proposamena. Patronalak, besteak beste, urte honetarako % 5eko soldata igoera, 2024rako KPIa gehi % 0,7koa eta 2025erako eta 2026rako KPIa proposatu ditu, baita lanaldia bi orduz murriztea ere.

Hala ere, sindikatuek adierazi dute “bidea hasi baino besterik ez dela” eta “onartezina” dela ADEGIk proposamena behin betikotzat jotzea.

Pentsio erreforma salatzeko eta langileen eskubideak aldarritzakeo Maiatzaren Lehenean milaka lagun kalera atera ziren Baionan. Erreformaren aurkako mugimendua neurtzeko balio izango du. Izan ere, bi aste pasa dira Frantziako Kontseilu Konstituzionalak oniritzia eman zionetik proiektuari, eta sindikatuek mugimendua berriro indartu nahi zuten, eta lortu dute, azken urteetako mobilizaziorik handiena izan baita.

Soldatak igotzea, prezioak jaistea eta aberastasuna banatzea exigitzeko mobilizazioak egin zituzten Maiatzaren Lehenean sindikatu nagusiek Hego Euskal Herriko hiriburuetan. Euskal sindikatuek nork bere aldetik deitu zituen protestak, hori bai, biek ala biek, greba eta borroka sindikalaren garrantzia nabarmendu zuten.