Baionako Monoprix saltegian den Amazonen auto-zerbitzu gunea blokeatu dute momentu batez Bizi!-ko zenbait kidek. Gainera, tokiko saltegiek irekitzeko aukera izan arte halako guneak ixteko galdegin dute. Bestetik, koronabirusaren krisiak gogor astindu du, besteak beste, hegazkingintzaren sektorea, eta, apurka, lanpostu galera areagotzen ari da. Oraingoan, ITP taldea izango da berriro neurriak hartuko dituena Bizkaian dituen beste lantegietan.

Operatzen ari diren gaixo baten historian sartzeko edota begirada hutsarekin kutxazain bat edo igogailu bat aktibatzeko gai da Hiru jarraipen sistema. Donostian egoitza duen Irisbond enpresak sortu du, eta sistema eragile ezberdinekin bateragarria den gisa horretako lehen gailua da.

Joan den astean iradokitako mehatxua bete du Hungariako Gobernuak, eta betoa jarri dio Europar Kontseiluak eta Europako Legebiltzarrak 2021-2027ko aurrekontuei buruz lortutako akordioari. Erabaki berdina hartu du Poloniako Gobernuak ere.

Gaur goizean batzartu dira ostalarien bozeramaileekin Manu Ayerdi eta Elma Saiz kontseilariak. Foru agintaritzak horrela, 20 milioi eurora handitu du ostalaritzarako laguntzen nondik norakoa. Pandemiak gehien jo duen sektoreetako bati laguntzeko konpromisoa agertu du gaurkoan Foru Exekutiboak.

'Eraldatu ala kolapsatu' lelopean jardunaldia burutu da azken asteburuan Euskal Herria Bilduren eta GUE/NGL Europako Parlamentuko talde parlamentarioaren eskutik. Bertan, klima aldaketaren gaineko erronkak izan dituzte hizpide hizlariek.

Aurrekontuen gaineko osoko zuzenketak atzera botata, zuzenketa partzialen negoziazioa hasi du Madrilgo Gobernuak. Harira, Idoia Mendia lehendakariorde sozialistak gaur goizean Radio Euskadin adierazi duenez, Euskal Herria Bilduk "bere ibilbide historikoaren osoko zuzenketa bat egin du", Espainiako Aurrekontu Orokorren aldeko boto bat aurreratuz "gratis et amore". Debalde, alegia.