Jakina da Korrika euskaldunak aktibatzeko eta ahalduntzeko tresna bat dela, baina, orain, zientziak frogatu egin du hori. EHU Euskal Herriko Unibertsitateko Gizarte Psikologia CCE ikerketa taldeak zientifikoki egiaztatu du Korrikan parte hartzeak eragin psikologiko positiboak dituela gizarte ongizatean eta ahalduntze kolektiboan. Horren inguruan hitz egiteko Jon Zabala EHUko Gizarte Psikologia CCE ikertaldeko kidea izan dugu Hamaika Telebistan.
Hauteskunde emaitzak jada argituta, negoziaketei heltzen hasiko dira laster foru gobernuak osatzeko. Batzar nagusietara zein Nafarroako Parlamentura sartzeko, alderdiek gutxieneko boto kopuru bat eskuratu behar dute. Datuei erreparatuta, Araban eta Bizkaian EAJko kidea izango da ahaldun nagusia; PSEren babesarekin. Gipuzkoan PPk izango du giltza ahaldun nagusia aukeratzerakoan eta Nafarroan baliteke azken legealdiko akordioei eustea.
Juan Karlos Izagirrek eta hautetsiak izan diren zazpi hautagaiek agerraldia egin dute Donostiako Udalean. Guztira 23.387 boto jaso dituzte Donostian, 2019n baino %15 gehiago. Adierazi du “beste modu bateko politika” egingo duela EH Bilduk, “donostiarrekin egingo dugu lan”.
Izagirrek azaldu du beste alderdiekin ez duela oraindik hitz egin eta Gobernua osatzeko elkarrizketak Eneko Goiak “lideratu” behar dituela uste duela.
