Mertxe Aizpurua EH Bilduk Madrilgo Kongresuan duen bozeramalea izan dugu Hamaika Telebistan, Pegasus auziari heltzeko.

Izan ere, PSOEk atzera bota du ikerketa batzordea eratzeko aukera eskuinaren eta ultraeskuinaren botoekin batera. "Lausotu eta estali egin nahi dute gertatzen ari dena" uste du Aizpuruak. Adierazi dueenz, Gobernuak "gardentasunaz gero eta gehiago hitz egin hainbat galdera gehiago sortzen" dira. EH Bilduko bozeramaleak gaineratu du "arduragabakeria itzela" dela, gobernuaren irudiaren aldetik begiratuta ere.

Aizpuruak uste du "adierazgarria" dela Europako Parlamentuan Pegasusen inguruko ikerketa batzordea martxan jartzen den bitartean, PSOEk batzorde horri atea itxi izana. Sakoneko ikerketa bat eskatzen jarraituko dutela azaldu du, "dimisioak eta neurriak hartu behar dira, baina lehenik zer gertatu den jakin behar da".

Hori horrela, "eskuinaren presioen menpe" ez egoteko eskatu dio Aizpuruak PSOEri. Agintaldia kolokan dagoen galdetuta, Aizpuruak uste du PSOE Gobernuan mantentzeko bide bakarra duela; "orain sostengua ematen diogun indar subiranistekin akordioak egitea".

X. Biltzar Nagusia egingo du LAB sindikatuak ekainaren 16an eta 17an, Baiona-Miarritzen, 'Bagara bagoaz' leloarekin, eta eskualdez eskualde hautatutako 500 kide bilduko ditu osoko bilkurak. Hala iragarri dute Garbiñe Aranburu idazkari nagusiak eta Igor Arroyo idazkari nagusi ondokoak. "Biltzar Nagusiaren prestaketan aritu gara ikasturte osoan zehar. Entzunketa ariketa egin dugu gure militantziarekin ponentzia idatzi aurretik. Orain ponentziaren inguruko eztabaidari ekingo diogu" adierazi dute.

Zuzendaritzak hainbat proposamen berritzaile egingo dizkie afiliatuei, tartean, zuzendaritza-eredu berria proposatuko du. Idazkaritza nagusiaren kargua desagerrarazi eta bi koordinatzaile orokor izango ditu aurrerantzean LABek: Garbiñe Aranburu egungo idazkari nagusia eta Igor Arroyo haren ondokoa.

Irizar Taldeko Alconza eta E-Mobility lantegietako grebalariek auto-karabana bateratua egin dute. Indarrak batu, eta Irizar kooperatibaren jarrera salatzeko protesta egin dute. Lan hitzarmen duinaren alde, graba magagabean daude E-Mobility beharginak, 180 langile batu dira lanuztera.

Zikuñagatik Eziagoko industrialdera doan “Bide Beltzean” gertatu da ezbeharra. Beste garraiolari batek espaloirantz salto egin eta kolpea saihestu ahal izan du.

Pegasuseko Ikerketa Batzordeak ez du aurrera egin. PSOEk, PPk, Voxek eta C´s-ek kontra bozkatu dute. Sanchezen bazkideek ohartarazi dute "konfinaza hautsita" dagoela eta "demokrazia" arriskuan jarriko duela.

Ipar Euskal Herrian goi mailako ikasketak euskaraz egiteko izenpedura kanpaina abiatu du Xuti Gazte! mugimenduak. Goi mailako ikasketak egiteko adinean 5.000 gazte euskaldun daude Ipar Euskal Herrian, %19. Aldiz, Unibertsitateak euskaraz lizentzia bakarra proposatzen duela deitoratu dute. Izan ere, gaur egun, Ipar Euskal Herrian euskaraz ikasteko goi-mailako aukera bakarra PAHUk Baionan eskaintzen duen Euskal Ikasketak literatura eta hizkuntza karrera da.

Gutuna, Baionan eta Angelun kanpusak dauzkan Paue eta Aturriko Herrietako Unibertsitateko lehendakariari eta errektoreordeari, Pirinio Atlantikoetako Departamentuko Hezkuntza Nazionalaren zerbitzuen zuzendariari eta Baionako Ikuskariari, eta EHUko errektoreari bideratu diete beraien aldarrikapenekin.

Euskal Herri osoan zehar zabaldu dira Maiatzaren Leheneko manifestazioak igandean. Hiriburuetan izan dira nagusiak, eta eguerdi partean gehienak, nahiz eta arratsaldean ere izan diren mobilizazioak.

Greba mugagabea abiatu dute Nafarroako 43 haur eskoletan. Sarrigurengo Malkaitz haur eskolan egin dute lehenengo protesta, gutxiengo zerbitzuak salatzeko.