Ikusgunek iazko txostena aurkeztu du astearte honetan bildutako datuekin, baina zehaztu du datuok ez dutela biltzen benetan izandako horrelako gertakari guztiak. Horietako hamarrek osagai homofoboa izan dute, bostek transfoboa, eta batek LGTBI+fobia.

Martxoaren 28ko identifikazio-saiora agertu ez ziren hiru poliziak Donostiako auzitegietara deituta daude ostegun honetan. Azken identifikazio-saiora hiru polizia agertu ziren, baina sarraskitik bizirik atera zen bakarrak, Joseba Merinok, ezin izan zuen inor identifikatu.

Pasaia Argitu taldeak elkarretaratzea deitu du Donostiako Justizia Auzitegiaren aurrean, 10.00etan, ‘Pasaiako sarraskia ikertu eta argitu!’ lelopean. 1984ko martxoaren 22an espainiar poliziak lau lagun hil zituen Pasaiako Badian. 113 tiro jaso zituzten Polizia operazio horretan.

1885ean sortu zen Bilboko Mediku Zientzien Akademia; Bilboko Sendalarintz Jakindia zuen orduan euskal izena. 128 urteotan lehen aldiz andre bat da erakundearen burua: joan den astean, Agurtzane Ortizek hartu zion Ricardo Francori lekukoa presidentetzan. Besteak beste, Neurozientzietako doktorea eta psikiatra da Ortiz. Euskal Herriko Unibertsitatean irakasle ere bada.

Osakidetzak azpikontratatutako garbitzaileek hilabete eta erdi daramate greban, Osakidetzako langileei ezartzen zaizkien baldintzak aplikatzea eskatzeko. Deialdia aste honetan amaitzekoa zen, baina gutxienez 28ra arte luzatuko da, LABek, UGTk, CCOOk eta ESK-k astearte honetan Gasteizen egindako agerraldian iragarri dutenez. Datorren astelehenetik Gurutzetako ospitalearen aurrean kanpaldia egingo dutela iragarri dute Osakidetzaren Gasteizko egoitzaren aurrean.

Langileek bost urte daramatzate lan hitzarmenik gabe. Gehiengo sindikalak azaldu du planteamendu berri bat egin duela negoziazioan, baina Osakidetzako zuzendaritzak ez diela eskaintzari erantzun ere egin.