Euskal Herria

All Stories

Zein iritzi dute herritarrek COVID ziurtagiria eremu itxietara zabaltzeko neurriaren inguruan?

COVID ziurtagiria eremu itxietara zabaltzeko neurria indarrean sartu da, horregatik, gaurtik aurrera, ziurtagiria eskatu ahalko dute ostalaritzako eremuetan, zentro soziosanitarioetan, zahar etxeetan, kiroldegietan, kultur ekitaldietan eta espetxeetan. Betiere, azken hamalau egunetako intzidentzia tasa 100.000 biztanleko 300 kasutik gorakoa bada. Orain arte, Araban, Bizkaian eta Gipuzkoan, ziurtagiria eskatu ahal zen aisia eta dantza uztartzen dituzten establezimenduetan, eta 50 pertsona baino gehiago hartzeko baimena duten jatetxeetan.

Horiek horrela, Hamaika Telebistako lankideak Bilboko kaleetatik ibili dira, COVID ziurtagiriaren inguruan herritarrek duten iritzia ezagutze aldera, eta, aldi berean, Eusko Jaurlaritzak pandemian egindako kudeaketaren inguruan ere galdetu diete.

Nafarroan Euskararen lege berrirako oinarrizko adostasunak lantzeko konpromisoa hartu du Kontseiluak

Nafarroan Euskararen lege berrirako oinarrizko adostasunak lantzeko konpromisoa hartu du Euskalgintzaren Kontseiluak. Ekitaldia Iruñeko Plazara! Guneanantolatu da euskararen legearen 35. urteurrena dela eta. Ekitaldian legearen izaera bidegabea berresteaz gain, etorkizunari begira Batuz Aldatu dinamikaren baitan garatuko duen estrategia aurkeztu du Kontseiluak, besteak beste, euskararen lege berri batean edukiak zehazteko.

Zumarraga eta Beasain arteko tren zerbitzua berrezarri da

Renfeko eta Adifeko teknikariek lan konplexua burutu behar izan dute Gabiriako Eizmendi tunelean. Ostegunean jazo zen ezbeharra. Luiziaren ondorioz, saihetsera iraulita gelditu zen aldirietako trenaren aurreneko bagoia.

Trenean zihoazen 15 bidaiariak eta gidaria onik atera ziren, eta ez zen inor zauritu. Tren zerbitzua gaur berrezarri da.

ELAk 'prekarietaren gutunak' banatu ditu Bizkaiko zahar-etxeetako langileen egoera salatzeko

ELA sindikatuak ere grebarekin bat egitera deitu du, eta ‘prekarietaren gutunak’ banatu ditu Bilboko Foru Jauregiaren aurrean. Behaginek eskatzen dute, besteak beste, lehen egunetik langileak ordezkatzea, lanaldi osoko kontratuak eskaintzea eta soldata zein lan baldintza duinak. Hala, ELA eskari horiekin performancea egin du.

Zahar-etxeetako beharginen lan-baldintza eta ratio hobeak eskatu ditu LABek

Greba eguna dute gaur Bizkaiko zahar-etxeetako langileek, eta LABek elkarretaratzea egin du goizean Bizkaiko Batzar Nagusien atarian. Zahar etxeetako beharginak lan-hitzarmena negoziatzen ari dira, tartean, lan-baldintzak langile publikoekin parekatzeko eta ratio gizatiarragoak ezartzeko. Baina patronalarekin negoziazioa blokeatuta dago, eta horregatik, greba eguna deitu du LABek.

Nortzuk izan ziren makiak?

Guardia Zibilak txakurren unitateen hasiera gogoratu zuen larunbat honetan Twitterren, 1949an, "Bidelapurrak" bilatzen ari zirela esanez. Sareek gogorarazi zieten "bidelapur” horiek makiak zirela, frankismoaren aurkako borrokalariak, eta erakunde armatuak berehala ezabatu zuen argitalpena.

Baina, nortzuk ziren makiak? Hona hemen ‘Hezurren Memoria’ saioko erreportajeko zati bat.

Hona hemen erreportajea osorik: Erbestean zeuden miliziano errepublikazaleek II. Mundu gerran parte hartu zuten nagusiki, Frantziako okupazioaren kontra borroka eginez. Faxismoaren kontrako jarduna Europan burutu zuten baina beti ere, frankismoarekin bukatzeko ideia buruan zutela. II. Mundu gerra bukatzen ari zenean indar aliatuak Espainiara begira jarri nahi izan zituzten horretarako muga zeharkatuko zuen gerrilari talde handi bat antolatuz. “Maki” izena hartu zuten gerrilari haiek.

hamaika.eus atarian erreportajea osorik.

Uholdeen ondoren, auzolana iritsi da Burlatara eta Atarrabiara

Herritarren laguntza ez da eten Burlatan eta Atarrabian asteburu osoan zehar. Herri horiek ez zuten horrelako uholderik ezagutu azken urteotan.

Larunbatean 150 boluntario baino gehiago izan ziren, eta atzo, igandea, beste 80 lagunek goiz osoa eman zuten Sotoko kirol-instalazioak garbitzen. Urak hiru metrotik gorako altuera hartu zuen.
hamaika telebista

11 laguntzaile

Image