Eskubide Sozialen Gutunak, EH Kapitalari Plantok eta Jauzi Ekosoziala plataformak deitu dituzte protestak. Euren aburuz, bankuak bere jarduna “berdez tindatzeko” antolaturiko konferentzia bat da Barakaldokoa. Datozen egunetarako ere hainbat protesta daude deituta.

Euskal Herriko Pentsiodunen Mugimenduak deituta, Hego Euskal Herrian gutxieneko pentsioa 1.080 eurora iristeko eskatuko dute astelehenetik ostegunera Gasteizera egingo dituzten oinezko martxen bitartez. 1.080 euroko gutxieneko pentsioa eskatzen dute eta Espainiako Gorteetan ordezkaritza duten alderdiek pentsioen azken erreformaren lege proiektuaren eztabaida baliatzea erretiro adina berriro 65 urtetan jartzeko eta pentsioa osorik jasotzeko kotizatu beharreko urteak hamabostera jaisteko. Ana Mezo Pentsiodunen Mugimenduko kidearekin hitz egin dugu.

Ikastolen Elkarteak jasoko du 2023ko Ibilbideari Elkar Saria, "bide luzea eta Euskal Herria euskalduntzeko bidean ekarpen handia" egin duela iritzita. Bereziki nabarmendu dute eskolarako materiala sortzeko egindako lana.

Eusko Ikaskuntzari, berriz, Proiektuari Elkar saria emango diote, “kultur politiken azterketa” kultura txikietan garatzen ari diren kultur politikak aztertu eta ezagutzeko. Hori, erantsi dutenez, baliagarria izan daiteke Euskal Herrian eragile guztien artean adostutako kultur politika garatuz joateko.

Maiatzaren 25ean izango da sariak emateko ekitaldia, Elkarren Adunako egoitzan.