Gutun baten bidez jakinarazi die Berdintasun Ministerioak autonomía erkidegoei. Ministroak erkidegoei gogorarazi die kontzientzia eragozleak ez diren profesionalak izan behar dituztela. Horregatik, emakumeei abortatzeko eskubidea bermatzen dieten sendagileak kontratatzeko deia egin die erkidegoei.

Haurdunaldia osasun sare publikoan eteteko aukera bermatu behar dela dio arauak, eta emakumeen etxetik ahalik eta hurbilen. "Legea oso argia" dela dio gutunean Ministerioak.

Martxa bat egin dute Miribillako parketik udaletxera. Bertan, udal plantillarekin batera, Juan Mari Aburtoren tokiko gobernuak negoziazio mahaian egindako promesak bete ditzala eskatu dute.

Suhiltzaileek duela hilabete batzuk hasi zituzten protestak, jokabide suiziden aurrean jarduteko beharrezko prestakuntza ukatu zietenean. Kolektiboaren eskaeren artean dago suhiltzaile-parke berri bat eraikitzea, Deustuko behin-behineko parkea ordezkatzeko, 11 urte baitaramatzate bertan lanean. Era berean, kritikatu egin dute osasun-langileen lanak egin behar izatea baliabide faltagatik.

Ainhoa Bilbao, Iratxe Gaztelu-Urrutia, Iñaki Echaburu, Josu Arruti eta Sergio Fernández enpresariak dira. Auzitegiak dio zigorrak 2 urtetik beherakoak direla, ez dutela aurrekari penalik eta erantzukizun zibila ordaindu dutela.

Oraindik, igortzeke daude beste zazpi kondenaturen epaiak. Horien artean, ustelkeria trama horretako arduradun nagusienak daude. Izan ere, De Miguelen, Telleriaren eta Otxandianoren espetxeratzeaz erabaki beharko du Auzitegiak. Xabier Sanchez Robles soilik espetxeratu dute.

ELA, CCOO, LAB eta ESK sindikatuek grebara deitu dute Bizkaiko esku-hartze sozialaren sektorea. Urte eta erdi baino gehiago hitzarmena berritu gabe egon ondoren, hala, langileek aurrerapauso bat ematea erabaki dute, osasuna arriskuan jartzen duten eta lan-baldintzak pobetzen dituzten neurrien aurka borrokatzeko.

Munduko Bankua klima larrialdiari buruz eztabaidatzen ari da egunotan BECen, eta hainbat eragilek protestak deitu dituzte. Alaitz Ajuriagerra Jauzi Ekosozialeko kideak salatu du klima larrialdiari aurre egiteko “negozio nitxo berde bat saltzera” etorri direla, “neooptimismoan” oinarritutako soluzioak ematera, eta “lobby energetikoen eta elite ekonomikoen artean negozioa” egitera.
Erakunde horiek jo ditu, ordea, krisiaren “erantzuletzat”, eta horren aurrean, “bestelako eredu eta politika publikoak” behar direla azpimarratu du: “Krisi ekologikoaz gain, hainbat krisi bizitzen ari gara gizartean, eta erantzun bateratu eta integralak behar ditugu”. “Aliantza garaia” dela dio, eta nabarmendu du soluzioa herritarrengandik etorriko dela, eta ez elite ekonomikoengandik.

Gaude eta Gorabide zaintza zerbitzuen elkarteek astebeteko greba deialdia abiatu zuten astelehenean. Hala, aniztasun funtzionalaren arloan pertsonei zerbitzu publikoa ematen duten bi elkarteak gaurkoan protesta egin dute Bilbon.