Politika

All Stories

Gaur amaituko dira Zaldibarko zabortegia egonkortzeko eta egokitzeko lanak

2020ko otsailaren 6an Zaldibarko zabortegiko luizia gertatu zenetik, Eusko Jaurlaritzak "modu jarraituan eta etenik gabe" lan egin duela nabarmendu du Arantxa Tapia Ekonomiaren Garapen eta Ingurumen Sailak. Horrez gain, Tapiak jakinarazi du zabortegia itxita mantenduko dela eta ezingo dituela hondakinak hartu. Bien bitartean, EH Bilduk eta Sortuk Joaquin Beltran eta Alberto Sololuze gogoratu dituzte, eta Jaurlaritzaren arduragabekeria salatu dute.

Morlans, 30 urte

Hogeita hamar urte bete dira Donostian Guardia Zibilak ETAren aurka eginiko operazio entzutetsuenetako batetik.

Morlans auzoan, poliziek 'Donostia komandoko' Patxi Itziar, Jokin Leunda eta Iñaki Ormaetxea hil zituzten, hiru ordu luzeko tiroketa batean. Ezker abertzaleak eta senideek "exekuzioa" salatu zuten.

Duela 30 urteko operazio horren nondik norakoak oraindik argitzear daudela salatu dute hainbat herritarrek. Halaber, larunbatean oroimen ekitaldi bat egingo dute Morlansen, 12:00etan.

2030 Agendaren arloan egindako aurrerapenak aztertu dituzte Urkulluk eta Belarrak

Iñigo Urkullu lehendakaria, Jonan Fernandez Trantsizio Sozialaren eta 2030 Agendaren idazkariarekin batera, Ione Belarra Gizarte Eskubide eta 2030 Agendaren ministroarekin bildu da gaur goizean. Lehendakaritzan egindako bileran, Euskadin Garapen Iraunkorreko Helburuen arloan egindako aurrerapenak errepasatu dituzte.
hamaika telebista

Image