Politika

All Stories

EH Bilduk aurrekontuak “hobetzeko” akordioa lortu du Jaurlaritzarekin abstentzioaren truke

Jaurlaritzaren eta EH Bilduren arteko akordioaren "garrantzi politikoa" nabarmendu du Pedro Azpiazu Ekonomia eta Ogasun sailburuak eta oso positiboki baloratu du, baita Maddalen Iriarte EH Bilduko legebiltzarkideak ere. Dena dela, Iriartek argi adierazi du hauek ez direla EH Bilduk egingo lituzkeen aurrekontuak.

13/13ko auziko defentsak absoluzioa espero du

13/13ko auziko defentsak epaiketaren irakurketa positiboa egin du, eta aitortu du absoluzioa espero duela. Izan ere, abokatuek, behin baino gehiagotan, salatu dute auziaren iturburua legez kanpokoa zela, eta gaur egindako agerraldian irregulartasunak mahaigaineratu dituzte. Hala, defentsak gogoratu du epaiketa egiteke zegonean eta epaiketaren zehar CNIren inplikazioaz ohartarazi zuela, eta epaiketa bukatuta, berretsi du CNIk parte hartu zuela entzuketetan, sarekadan, erregistrotan eta baita auziari burutzeko tesian ere.

Aiert Larrarte abokatuak eta Arantza Zulueta auzipetuak hartu dute hitza gaur egindako agerraldian, eta auziaren irregulartasunak salatu dituzte, eta horrez gain, euskal herritarren konpromisoa galdegin dute, epaiketak ekar litzakeen ondorioak atzera pauso bat izan ez daitezen.

Etxerako bidea errazteko, Gabonetarako mobilizazioak antolatu ditu SarekHego Euskal Herriko hiriburuetan

Sarek agerraldia egin du gaur Gabonen testuinguruan antolatutako mobilizazioen harira. Aurrez, EPPK-k eginiko adierazpenaren inguruko balorazioa egin dugu: "elkarbizitzaren bidean emaniko urrats garrantzitsua eta enpatia ariketa sendoa dela deritzogu". Bestalde, urtarrilaren 8an manifestazio nazional erraldoia deitua du Bilbon, baina aurreko Gabonetan ere izango da, urtero bezala, presoen eskubideen alde egiteko aukera. Sareak antolatutako mobilizazioak izango dira Araba, Bizkaia, Gipuzkoa eta Nafarroako hiriburuetan.

Arkaitz Rodriguez: 'Oso egokia iruditzen zaigu EPPK-k hartu duen erabakia'

ETAko presoek ongi etorriekin amaitzeko eskatu dute, biktimen "mina" arintzeko. Naiz hedabideak aurreratu duen ohar baten bidez, EPPK-k iragarri du "ongi etorriak" modu "pribatuan" eta "diskretuan" garatzea nahi dutela.

Sorturen esanetan, presoei "behin betiko irtenbidea" emateko eta "askatasun itxaropena" eskaintzeko unea da.

Gregorio Vicario euskal presoaren osasun egoera salatu du Sarek Durangon

Gregorio Vicario 'Gita' preso durangarra Burgosko espetxetik Leongo ospitalera eraman dute, "bypass koronario" bat jarri eta ebakuntza egiteko. Sare Durangok adierazi duenez, joan den asteazkenean egin zioten ebakuntza, eta, momentuz, "bide onetik doa". Euskal preso politikoek jasaten duten salbuespenezko egoera amaitzeko irtenbide humanitarioa eskatu dute Durangon bertan, Andra Mari elizpean, eginiko elkarretaratzean.

hamaika telebista

11 laguntzaile

Image