Gizartea

All Stories

Kanariar uharteetan da Mugak Zabalduz karabana, Europako migrazio politikak salatzea helburu

Europako migrazio politika salatzea helburu, eta migratzaileei elkartasuna adierazteko Kanaria uharteetan da larunbatetik Mugak Zabalduz karabana. 350 pertsona ari dira parte hartzen migratzaileen giza eskubideen urraketak salatzeko ekimenean. Zehazki, Euskal Herriko 100 pertsona inguru dira Kanariar uhartateetan, Europako hainbat herrialdeko beste 250 pertsonekin batera. Uharteetan uztailaren 24ra arte hamaika ekintza eta protesta egingo dituzte.

LABIren Aholku Batzordea ostegunean bilduko da neurriak berraztertzeko

Covid-19aren egoera epidemiologikoaren bilakaera ikusita, nabarmena izan da kutsatu berrien gorakada. Hori hala, LABIren batzorde teknikoa osatzen duten adituek bilera egin dute goizean, gaitzak hartu duen bidea aztertzeko eta dauden neurriak nahikoak ote diren edo ez berrikusteko. Ondoren, asmoa da hilaren 22an LABIren Aholu Batzordeak adituek egindako proposamena aztertzea

Espekulazioaren kontra Arbonako lurrak okupatuta dituzte ELBk eta Lurzaindiak

ELB sindikatuak eta Lurzaindia elkarteak Arbonako lurrak okupatu zituzten ekainaren 23an. 15 lursaila salmenta espekulatibo bidez oso garesti saldu nahi baitio jabeak Parisko erosle aberats bati, zehazki, 3,2 milioi euroren truke. Espekulazioaren kontra egiteko eta lurren salerosketa ezeztatzeko ekintza ezberdinak egin dituzten, tartean, saltzailearen bitartakiaren bulegoa eta jabearen etxea okupatu. Izan ere, salerosketan eragiteko aukera uztailaren 20an bukatzen da, eta bitartean, presioa areagotzen dabiltza.

Euskara sustatzeko ‘Tokiko Xarta’ sinatu dute 29 udalerrik

Jada herri bakoitzak hartuko dituen konpromisoak zehaztuta eta txostenak osatuta, Europako Kontseiluari bidaliko dizkiete datozen asteetan, ontzat eman ditzan. Europako Kontseiluaren oniritzia jaso ostean, herriko etxeek kontseiluetan onartuko dituzte bozka bidez. Eta azkenik, abenduaren 3an, Euskararen Nazioarteko Egunean, ‘Tokiko Xarten’ izenpetze ofizialak egingo dira, Europako Kontseiluko bi ordezkariren parte hartzearekin.

Etxeratze-agindurik gabe, baina gauez kalean jende multzoak elkartzeko debekuarekin

Gauerditik indarrean da lege dekretu berria Araban, Bizkaian eta Gipuzkoan. Arau berriak dio gauerditik goizeko seietara bizikideak ez diren pertsona-multzoak edo jende pilaketak ezingo direla egon parkeetan, lorategietan, hondartzetan, kirol-eremuetan, irristaketa edo skate pistetan eta aire zabaleko antzeko erabilera publikoko guneetan, ezta portuei eta itsas pasealekuei dagozkien espazio publikoetan ere. Edonola ere, espazio horiek erabili ahal izango dira pertsonak igarotzeko eta erabilera profesional edo ekonomikoetarako. Era horretara, kutsatzeen gorakada eten nahi da.

Bien bitartean, Hegoaldetik Iparraldera sartzeko orain arte txertatu gabeko bidaiariek 72 ordu lehenago egindako test negatibo bat eduki behar zuten, COVID-19rik ez zutela frogatzen; orain Frantziako Gobernua 24 ordu lehenago egindako testak eskatzen hasiko da.
hamaika telebista

Image