Image

Gizartea

All Stories

Klima larrialdiari aurre egiteko premiazko neurriak hartzeko eskatu diete gobernuei

Krisi klimatikoari aurre egiteko goi-bilera egiten ari dira Egipton. Ehunka herrialde bildu dira bertan. Testuinguru horretan, kolektibo ekologistek, sozialek eta sindikalek elkarretaratzea egin dute asteburuan Bilbon, Eusko Jaurlaritzari eta Madrilgo gobernuari klima arloan trantsizio energetiko ‘bidezkoa, demokratikoki irmoa eta nahikotasun-irizpidearen araberakoa’ lortzeko politikak ezartzeko konpromisoa eskatzeko.

Elhuyarrek 50 urte: ondorengoentzat mende erdia kutxa batean gordeta

50. urteurrena ospatu du Elhuyar fundazioak, Donostiako Kursaalean. Elhuyar 1972an jaio zen, zientzia euskaraz lantzeko helburuarekin. Ordutik, etengabe aritu da lanean Elhuyar, zientzia ez ezik, hizkuntza-zerbitzuak, adimen artifiziala, hizkuntza-teknologiak eta gizarte-aholkularitzako zerbitzuak eskainiz, eta euskara garatuz, honako helburu honekin: euskaratik, teknologiaz eta ezagutzaz baliatuz eta zientzia zabalduz, gizarte aktibo, kritiko eta berdinzalea eraikitzea.

Elhuyarrek hainbat ekintza egin ditu urte osoan mende erdia ospatzeko, “Elhuyar, 50 urte aurrerago” lelopean. Guztiak kutxa bakar batean bilduko ditu: kutxa horretan, urte guztiko lekukotza, objektu eta oharrak gordeko dira, eta itxi egingo da, 2072. urtera arte, garai horretako herritarrek gaur egungo lekukotza bat izan dezaten.

‘Ipar Basatia’ eta ‘Aquí estamos’ filmak, larunbat honetan, Hariak zinemaldian

Urraketen aurrean antolatutako erresistentziei leku eginez, ‘Ipar Basatia’ eta ‘Aquí estamos’ filmak proiektatuko dituzte Hernanin, Kulturarteko Plaza Feministan, azaroaren 12an. Goizeko saioan ‘Ipar Basatia' film luzeak hartuko du plaza. Irun-Hendaiako eta Mexikoko mugen inguruan hitz egiten du. Arratsaldean, ‘Aquí estamos’ filma proiektatuko da. Azken urteotan Kanariar Irlak bihurtu dira Europarako sarbide nagusi. Bertan bizi duten egoera salatzen du dokumentalak.

hamaika telebista

11 laguntzaile

Image