Gizartea

All Stories

Pandemia hasi zenetik, daturik altuenak zenbatu dituzte Hego Euskal Herrian: 2.235 positibo

Covid-19aren datuen hazkundea etengabea da eta pandemia hasi zenetik inoiz atzeman diren daturik altuenak zenbatu dituzte Hego Euskal Herrian Osakidetzak eta Osasunbideak.

Lurraldeka aztertuz, Araban 204 kutsatu zenbatu dira azken egunean, 482 Gipuzkoan, 434 Nafarroan eta daturik kezkagarrienak Bizkaikoak dira. Kutsatzeen buruan doa, 1.078 positiborekin.

Egoeraren larritasuna ikusirik, Iñigo Urkullu Eusko Jaurlaritzako lehendakariak atzo adierazi zuen gaur bilduko den Labi aholku kontseiluak "beharrezkoak diren neurriak" hartuko dituela.

Euskarak hartu ditu Sartagudako kale eta plazak

Ebro ertzeko herriak herriko bazterrak izendatzen dituzten plakak elebiz jarri ditu, euskaraz eta gaztelaniaz. Nafarroa Aurrera, Mertxika Gazte antolakundeak eta Agerraldiak sustatutako ekimenak Udalaren atxikimendua eta Nafarroako Gobernuaren babesa izan ditu, eta honen bidez, euskalduntzearekiko aurrerapausoa eman du Nafarroako hegoaldeak.

Debako zumardia eraberritzeko lankidetzan ari dira herritarrak eta udala

Zumardiko pasealekuari buruzko herritarren eztabaida irekiz, Debako Udalak, udalerriko eragile sozial eta administratibo guztien kultura parte-hartzailea eta demokratikoa aktibatzeko prozesua jarri du abian. Komunitatea eraikitzeko prozesua bera eta kalitate demokratikoarena erdigunean kokatzen dituela nabarmendu Gilen Garcia alkateak.

Azken 24 orduetan 1.314 positibo berri zenbatu ditu Osakidetzak

Kutsatuek gorantz egiten jarraitzen dute Araban, Bizkaian eta Gipuzkoan. Azken 24 orduetan 1.314 positibo berri zenbatu ditu Osakidetzak, ia 12.000 test diagnostiko egin ostean, eta datu horiek aintzat hartuz positibotasun tasa %11koa da.

Lurraldeka aztertuz, 139 kutsatu Araban detektatu dituzte, 440 Gipuzkoan eta Bizkaikoak dira daturik larrienak, lurraldean 694 positibo atzeman baitira azken egunean.

Uhinak bekak sortu dituzte Euskal Herriko pentsamendu kritikoa sustatu asmoz

Iratzar eta Ipar Hegoa Fundazioek elkarlanean Uhinak beken bigarren edizioa sortu dute Euskal Herriko pentsamendu kritikoa sustatu asmoz.

Burujabetza politikoa, ekonomia, feminismoa, sindikalgintza, euskara, kulturgintza, historia, iragana eta, jakina, etorkizuna. Horretaz guztiaz aritu eta sakonduko duten hausnarketa kritikoak lagundu nahi dituzte eta bereziki aditzera eman, plazaratu.

Interesa duen orok informazio gehiago eskuratu ahal izango du iparhegoa.eus eta iratzar.eus wegbuneetan.
hamaika telebista

Image