LAB, Steilas, CCOO, ELA eta UGT sindikatuak agerraldi bateratua egin dute Iruñean, eta bertan eman dute deialdiaren berri. Ikasturte honetan egiten duten bigarren mobilizazioa izango da apirilekoa, aurrekoa otsailaren 15ean egin zuten. Hain justu, salatu dute Nafarroako Gobernuak “ez diela inongo erantzunik eman” sektoreak greba horretan eginiko aldarrikapen eta eskaerei.
Langileak grebara deitzeaz gain, ikastetxeei dei egin diete atxikimendua ematera klaustroetan eta eskola kontseiluetan.
Azpimarratu dute “arrazoi anitz" dituztela zentral eolikoen eta energia trantsizioaren inguruan duten jarrera erakundeen aurrean azaltzeko. Herritar guztiei dei egin diete mobilizazioan parte hartzera.
Euskal Herriko Mugimendu Feministak manifestazioak antolatu ditu Euskal Herriko bost hiriburutan. Baionako manifestazioa izanen da abiatzen lehena, 15:00etan aterako baita Merkatuaren plazatik; Bilbokoa 19:30ean abiatuko da Jesusen Bihotzetik; Gasteizkoa, 19:00etan San Anton plazatik; Donostiakoa, 18:30ean Antiguako tuneletik; eta Iruñekoa, 20:00etan Antoniutti parketik.
Iruñeko Gazteluko plazan egin du agerraldia mugimendu feministak. “Egungo zaintza sistema eraldatzera” deitu dute mugimendu feministako kideek. Adierazi dute Hego Euskal Herrian EAJ, PSN, CEN Nafarroako Enpresarien Elkartea eta Confebask direla sistema horren arduradun nagusiak. Gainera, “Espainiako Atzerritartasun Legea indargabetzea eta pertsona guztiak erregularizatzea” eskatuko dute.
