Image

Gizartea

All Stories

Aita Mari ontziari espediente bat ireki diote hainbat arau hausteagatik

Milioi bat eurotik gorako isuna jaso dezake 2020an ontziari egindako ikuskapen batean atzemandako hainbat "irregulartasun" tarteko. Auzia 2020ko maiatzean abiatu zen, Aita Mari Italiako uretan erreskate misio bat egiten ari zenean. Palermoko portuko autoritateek ontzia ikuskatu zuten, eta, espedientearen arabera, “26 hutsune” topatu zituzten.

Bi hilabete beranduago Espainiako agintariek prozedura administratiboa abiatu zuten, eta urriaren 26an zigor espedientea zabaldu zuten. Orain, hamabost egun dituzte alegazioak aurkezteko. EAJk jada galdegin dio Espainiako Gobernuari zergatik erabaki duten espedientea orain irekitzea.

Mugikortasunaren errehabilitazio zentroa ireki dute Urretxun

Exoeskeletoak erabiliko dituzte mugikortasuna berreskuratzeko. Pazienteak ebaluatuko dituzte eta mugikortasunaren neuro-errehabilitazioan espezializatutako tratamenduak eskainiko dizkiete. Gogoa Mobility Robots enpresak irekitako zentroan, berrikuntzak aplikatuko zaizkie gorputz adarretan errehabilitazioa behar dutenei.

Exoeskeletoak Han+ du izena, armadura modukoa da eta aginduak ordenadore baten edo ahotsaren bidez ematen zaizkio.

Garraio publikoan maskara janzteko derrigortasuna bertan behera geratuko da Hego Euskal Herrian otsailaren 8an

Garraio publikoan maskara janzteko derrigortasuna bertan behera geratuko da otsailaren 8an. Ministroen Kontseiluak otsailaren 7an sinatuko du maskararen erabilera garraio publikoan bertan behera utziko duen agindua, eta hurrengo egunean sartuko da indarrean. Maskara janztea derrigorrezkoa izango da aurrerantzean ere osasun zentroetan, erietxeetan eta zentro soziosanitarioetan. Carolina Darias Osasun ministroak adierazi du egoera epidemiologikoa «oso egonkorra» delako hartu dela maskara garraio publikoan kentzeko erabakia.

Lukas Agirreri omenaldia egin diote, Usandizaga Institutuko atarian

Hilabete bat bete da Lukas Agirre hernaniar gaztea erail zutenetik. Gaztearen omenez, elkarretaratze isila egin dute Usandizaga institutuan, bertan ikasle eta ikasle ohiez gain, haren senideak izan dira.

Lau urte eman zituen Agirrek ikastetxe horretan, ikastetxeak zabaldutako oharrean, “indarkeria zentzugabea” gaitzetsi dute, eta gertakari “sinestezina, ulertezina eta onartezina” dela azaldu dute.

Iñigo Antepara, Ekologistak Martxan: "Petronorren negozioarentzat azken aukera da hidrogenoaren alde egitea"

Trantsizio ekologikoan murgilduta gauden honetan, Europako Batzordeak begi onez ikusi du Hidrogenoaren Euskal Korridorea, eta «printzipioz» babestu egingo duela esan du. EBk azpiegituraren %30etik gora ordaintzea espero dute korridorearen bultzatzaileek. Trantsizio energetikoan proiekturik garrantzitsuenen artean aurkezten da euskal hidrogenoaren korridorea. Proiektu honen argi-illunei buruz ohartarazi du Ekologistak Martxanek.

hamaika telebista

11 laguntzaile

Image