Gizartea

All Stories

UEUk 50. urteurrena ospatu du, etorkizunerako erronkei begira

Egindako ibilbideaz harro, urteurren honek elkarlanean ametsak gauzatzen jarraitzeko indarra eman diela adierazi dute. Ane Sarasua UEUko idazkari nagusiak gehitu du egindako bideaz harro daudela, baina ez konforme. Izan ere, proiektuetan indartzeko aitortza eta baliabideak ere behar dituzte adierazi du.

Euskararen eta unibertsitatearen arteko zubi lana egiteko sortu zen UEU. UEUren egitasmo kolektiboa indartzeko baliatu dute urteurrena, eta proiektuaren ardatzak berresteko.

Etorkizunari begira, adierazi dute euskarazko online unibertsitatea sortzea dutela helburu.

Urtzi Ugalde, Boga garagardoa: ‘Muguruzaren filma bezain potentea da Bogaren garagardo berri hau’

Boga garagardo marka ezagunak berriak dakartza Zinemaldirako. Hain zuen, bihar Donostiako Belodromoan estreinatuko den Fermin Muguruzaren ‘Black is Beltza II: Ainhoa’ film berriaren izen berbera duen garagardoarekin datoz, eta bertako barran dastatzeko aukera izango da.

Iruñean, 100 biztanletik bakarra mugitzen da txirrindulaz lanerako bidean

Europako mugikortasunaren astea amaitzear dagoelarik, Iruñean astean zehar gertaturiko ekimen berdinak ezagutu ditugu. Bizi eskolak edo zahar-etxeetako agureekin antolatutako “yayakletetan” ibilaldiak. Kotxerik gabeko egunean gainera, 1.000 ikaslek baino gehiago bizikletada erraldoi batean parte hartu dute. Izan ere, mugikortasun jasangarriaren bidean, asko geratzen da lantzeko. Hala ikustarazi du inkesta batean ateratako datuek: Iruñean, 100 biztanletik bakarra mugitzen baita txirrindulaz lanerako edo ikasterako bidean.

0-3 plataforma: “Alderdiek adostutako itunak ez du egutegirik zehazten neurrietarako”

0-3 plataformako gatazkak luzera jo du, bada, konponbidea eman nahian, Nafarroako alderdi politiko gehienek itun bat sinatu dute. Navarra Suma, aldiz, bakarrik gelditu da parlamentua. Hala ere, 0-3 plataformak ohartarazi duenez, dokumentuan ez dute egutegirik zehaztu plantetzen dituzten neurriak ezartzeko.

Hurrengo eguneko pilula doakoa izango da emakume guztientzat Iparraldean

Hurrengo eguneko pilula doakoa izango emakume guztientzat, eta ez dute errezetarik beharko farmazietan eskatzeko; hala gertatuko dela azaldu du, Frantziako Osasun ministroa François Braunek. "Larrialdiko kontrazepziora jotzeko dauden arazoei aurre egiteko" neurri gisa aurkeztu du, "jakin baita pilularen eraginkortasuna haurdunaldirako arriskua dakarren harremanaren osteko 24 ordutakoa dela gehienez ere.

Oraindik ez du zehaztu neurria noiz sartuko den indarrean, baina ministroak ziurtatu du 2023ko Gizarte Segurantzaren lege proiektuan sartuko dutela; irailaren 26an aurkeztuko dute lege proposamen hori Frantziako Ministroen Kontseiluan.

Egun, 18 urtetik beherako emakumeek doan eta errezetarik gabe lor dezakete hurrengo eguneko pilula; 26 urtetik beherakoek, berriz, errezeta behar dute. Gainerakoek, errezeta behar dute eta ordaindu behar dute pilula lortzeko.

Burujabe eguna ospatu da larunbat honetan Tafallan

Ekonomia sozialaren arloan ibiltzen diren kooperatiba eta enpresa ezberdinek hitzordua eman dute Nafarroako erdialdea, eta bertan haien proiektuak ezagutu eta informazioa jasotzeko aukera izan dute gerturatu diren guztiek.
Ondalankoopek deituta, Goiener, Izarkom, Errigora, edo Kop 57 (berrogei eta hamazazpi) bezalako proiektuez jakiteko aukera izan zen. Sistema kapitalistaren egiturei eta multinazionalei alternatibak existitzen direla plazaratu nahi izan zuten antolatzaileek goizeko azokarekin. Energia, finantzak, komunikazioa eta elikadura eremu estrategikoak diren heinean, partaideek baliabide horien gestioa, norbere esku izatearen garrantzia azpimarratu zuten. Horretaz gain, lokalki ekoiztu eta kontsumitzearen garrantzia nabarmendu nahi izan zuten. Arratsalde eta gau partean zezen plazak kontzertuak izan ziren Asgarth eta Rotten XIII (hamairu)ren eskutik beste batzuen artean.

Erabiltzen dituzten garraio moduez solastu gara Iruindarrekin

Mugikortasun jasangarria, bizi dugun larrialdi ekologikoari aurre egiteko erronka bat den einean, Europako mugikortasunaren astera batu nahi izan da, Iruñeako Udala
Hirian zehar erabilgarri dauden garraio mota ezberdinak sustatzeko helburuarekin.
Bide horretan, helduentzako bizikletan ibiltzeko hastapen klaseak edota bizikleta eta kotxe elektrikoen erabilera sustatzeko hitzaldiak martxan jarri dituzte eta jarduera ezberdinak antolatu dituzte egunotan. Ostegunean, programari amaiera emango zaio “kotxerik gabeko eguna”rekin eta hirian zehar goiz osoan 1.500 ikasletik gora txirrindula hartuta Iruñeatik ibiliko dira.
Guzti hau aitzaki hartuta, jakin nahi izan dugu bertako biztanleek ze garraio mota erabiltzen duten eta zergatik. Galdera hauei erantzuna bilatzeko kalera atera da Iruñako erredakzioa.

Igor Peñalver, Volkswagen: ‘Landabengo lantegian produkzioa bermatzea nahi dugu’

Nafarroako Volkswagenen lantegiaren etorkizunak kezka sortu du, Volkswagen konpainiak auto elektrikoen ekoizpenaren zati bat Landabengo lantegitik Kataluniara eramateko asmoa omen duelako komunikabide batzuen arabera. Igor Penalver lan batzordeko kideak azaldu digu egoera.
hamaika telebista

11 laguntzaile

Image