Gizartea

All Stories

Euskara sustatzeko ‘Tokiko Xarta’ sinatu dute 29 udalerrik

Jada herri bakoitzak hartuko dituen konpromisoak zehaztuta eta txostenak osatuta, Europako Kontseiluari bidaliko dizkiete datozen asteetan, ontzat eman ditzan. Europako Kontseiluaren oniritzia jaso ostean, herriko etxeek kontseiluetan onartuko dituzte bozka bidez. Eta azkenik, abenduaren 3an, Euskararen Nazioarteko Egunean, ‘Tokiko Xarten’ izenpetze ofizialak egingo dira, Europako Kontseiluko bi ordezkariren parte hartzearekin.

Etxeratze-agindurik gabe, baina gauez kalean jende multzoak elkartzeko debekuarekin

Gauerditik indarrean da lege dekretu berria Araban, Bizkaian eta Gipuzkoan. Arau berriak dio gauerditik goizeko seietara bizikideak ez diren pertsona-multzoak edo jende pilaketak ezingo direla egon parkeetan, lorategietan, hondartzetan, kirol-eremuetan, irristaketa edo skate pistetan eta aire zabaleko antzeko erabilera publikoko guneetan, ezta portuei eta itsas pasealekuei dagozkien espazio publikoetan ere. Edonola ere, espazio horiek erabili ahal izango dira pertsonak igarotzeko eta erabilera profesional edo ekonomikoetarako. Era horretara, kutsatzeen gorakada eten nahi da.

Bien bitartean, Hegoaldetik Iparraldera sartzeko orain arte txertatu gabeko bidaiariek 72 ordu lehenago egindako test negatibo bat eduki behar zuten, COVID-19rik ez zutela frogatzen; orain Frantziako Gobernua 24 ordu lehenago egindako testak eskatzen hasiko da.

Auzotarren babesa jaso du Gotzaindegiak kaleratu nahi duen bilbotarrak

Esklerosi anizkoitza du Carlos Aguirianok, apezpikuaren jabetzako pisu batean bizi den Begoña auzoko bilbotarrak. Bere gaixotasuna eta pandemiaren eraginez ezin du lanik egin eta bere egoera ekonomikoak ez dio beste pisu bat alokatzen uzten. Maizterrak sindikatuko kideek eta auzotarrek babesa eman diote Aguirianori. Ostegun honetan izango da etxegabetzeko auzia epaitegietan.

Bi urte bete dira Tafallako uholde historikoak gertatu zirenetik

Tafallako herritarrek ondo gogoan dute 2019ko uztailaren 8a. Zidakos ibaiak gainezka egin zuen, eta herriko hainbat etxe, lokal eta soto urez bete ziren. Herritarren erantzuna berehalakoa izan zen, eta hurrengo egunean jende ugar iirten zen kalera, elkarri laguntzera. Hondamendi eremu izendatzea erabaki zuten, eta pertsona bat hiltzeaz gain, kalte material ugari eragin zituen uholdeak.

Donostiako Udalak azken asteetako eraso matxistak eta homofoboak gaitzetsi ditu

Elkarretaratzea deitu du gaur eguerdian Donostiako Udalak hirian izan diren azken eraso matxistak eta homofoboak gaitzesteko. Horrez gain, bi adierazpen instituzional onartu ditu. Bien bitartean, LGTBI+ elkarteek deituta, elkarretaratzeak egin dituzte astelehen honetan Euskal Autonomia Erkidegoko hiriburuetan Samuel 24 urteko gaztearen heriotza salatzeko.
hamaika telebista

Image