Gizartea

All Stories

Iruñeko Peñek datozen Sanferminetarako pankartak aurkeztu dituzte

Iruñeko Peñek datozen Sanferminetarako pankartak aurkeztu dituzte gaur goizean egindako prentsaurrekoan. Iosu Santxez federazioko presidenteak eta Marta Aparicio federazioko kideak hartu dute hitza ekitaldian, eta, bertan, hiriko bizilagunei zein bisitariei dei egin diete jaiak "errespetuz" bizitzeko eta pertsonen askatasun murrizten duten jarduerak ez onartzeko, bereziki, emakumeen askatusa. Bestalde, Iruñeko Udalak zenbait peñari gune jakin batzuk erabiltzeko baimenak ukatu zizkiela gogoratu dute, eta gaineratu dute, gainera, ukatutako leku horiek Peñek ekintzak egiteko erabiltzen ari ziren ohiko espazioak direña. Bada, beste leku batzuetan kokatzeko baimena eskatu dutela adierazi dute, baina erantzunaren zain daude.

Udalaren erantzunik jaso gabe, alarde parekideak ekin dio Irunen

San Martzial eguna da, jaietako egun handia Irunen, eta pandemiaren etenaldiaren ostean bueltan da ekainak 30eko alardea. Baina aurtengoa ohi bezala, bitan banatuta dator. Alarde parekidea berriro antolatu dute udalaren erantzunik jaso gabe. Antolaketa bere gain har dezala eskatu zioten orain hilabete batzuk Irungo Udalari; baina honek ez du erantzun.

Horrela geratu dira Arastortz mendiko inguruak sutearen ostean

Arastortz mendian, Aralar mendilerroan piztutako suteak 25 hektarea baino gehiagori eragin die. Sutea ekainaren 18ko goizean piztu zen Arastortz mendian, Aralarko Parke Naturalean, Ataun, Lazkao eta Zaldibia artean dagoen mendigune batean. Ekainaren 20an lortu zuten itzaltzea guztiz.
Hala ere, horrela geratu da ingurua...

Asier Etxenike: 'Euskal Herriko ikuspegitik euskal hezkuntzan urratsak emateko gogoak daude'

Naziometroaren laugarren ikerketa aurkeztu du Telesforo Monzon Euskal Herrigintza Laborategiak. Burujabetzari eta estatus politikoari lotutako ohiko galderez gain, hezkuntzari buruz itaundu dituzte herritarrak. Ikerketa honetan aritu den Asier Etxenike soziologoarekin hitz egin dugu datuak aurkeztu eta hauetatik eratorri daitezkeen irakurketak azaltzeko.

Nafarroako suteetan laboreen 2.257 hektarea kaltetu dira eta basogintzan 12.000tik gora

Foru Gobernuak iragan asteko suteen inguruko datu berriak argitaratu ditu. Adierazi du oraindik goiz dela kaltetutako baso-azalera kuantifikatzeko, nahiz eta kalkulatzen den duela gutxiko suteek 2.257 hektarea labore kaltetu dituztela. Gehienak zereal-laboreei dagozkie. Basogintzako kalteak, berriz, 12.000 hektareatik gorakoak dira.
hamaika telebista

11 laguntzaile

Image