Image

Gizartea

All Stories

Espainiako gobernuak errefuxiatuak hartzeko zentro bat eraikiko du Gasteizen

Gasteizko Udala eta Arabako Foru Aldundia proiektu honen aurka agertu dira. Salatzen dutenez, ez du EAEko errealitatea kontuan hartzen, ezta eredua ere. Beatriz Artolazabalek, Berdintasun, Justizia eta Gizarte Politiketako sailburuak, adierazi duenez gutun bat bidali dute Espainiako Gobernuari, PSE-ek, berriz, gogor kritikatu du EAJren adierazpenak. Errefuxiatuen zentroa Arana Klinika eraikinean ezarri nahi dute.

ELAk salatu du "onartezina" dela parke eolikoen proiektu berriei baimenak ematea Lurralde Plana onartu aurretik

Lurraldeko Planak zehaztuko du "non eta nola" ezarri daitezken energia berriztagarria lortzeko azpiegiturak. Jaurlaritzak Arabako Labrazako eta Azazetako parkeek ingurumen inpaktuaren adierazpena jaso dutela iragarri ondoren egin du eskaera sindikatuak. Arantxa Tapia EAEko Ekonomia Sailburuak asteartean adierazi duenaren arabera, Plana onartzeko prozesuak urte eta erdi inguru iraungo du.

Hamabost parke eolikoren tramitazioa abian dago eta hiru parke fotovoltaikorena. Sindikatuak ezinbestekotzat jo du planaren eztabaida "gizartearen parte hartze zabalarekin" eztabaidatzea. Era berean, Arabako Mendiak Aske elkarteak Eusko Jaurlaritzaren ereduak “naturaren suntsipena” dakarrela salatu du.

Dorleta Urrutia: "La Sinsorga espazio feminista berria izango da Bilbon"

Hilabete batzuen buruan Bilbok espazio feminista berri bat izango du: La Sinsorga izeneko proiektua; kulturgune feminista, topaleku bat, Bilboko Alde Zaharrean. Kultura eta pentsamendu feminista bultzatzeko jarduerak sustatuko dituen espazioa,Irantzu Varela eta Andrea Momoito kazetariak bultzatuta. Dorleta Urrutia kideak azaldu digu proiektua.

Araban asteartean jarri ziren larrialdi plan guztiak martxan elurragatik

Azazeta, Opakua, Gasteiz, Herrera, Urduña, Altube eta Las Txozasko mendateak itxita egon ziren. Aurreikusita zegoen baino lehenago ailegatu zen elurra Arabara. Ez da arazo aipagarririk egon errepideetan, baina zailtasunak izan dira zenbait txokoetan. Hurrengo egunotan elur kotak gora egingo du eta elurra desagertzen joango da.

Gasteiz Zero Zabor taldeak baieztatu du atez ateko zabor bilketa sistema onena dela

Arabako foru Aldundiaren Hondakinen Behatokiak 2021eko Arabako hiri hondakinen kudeaketari buruzko datuak kaleratu ditu. Hauek Gasteizko Zero Zabor elkarteak aztertu ditu, eta ondorioztatu du atez ateko zabor bilketa sistema eraginkorra dela. Izan ere 51 udalerrietatik soilik Kripan, sistema hau erabiltzen duen udalerriak, berrerabiltzeko eta birziklatzeko helburuak bete ditu.

Zer nahiago dute FITUReko bisitariek, Nafarroako edo Euskadiko gastronomia?

Turismo jasangarria bai, baina gastronomia ere bada Nafarroako eta Euskal autonomia erkidegoko indar gune garrantzitsuenetarikoa. Izan ere, Euskal Herriko pintxoak, platerak eta edariak dira mundu osoan ezagunak. Baina zer nahiago dute euskaldunek FITURen, Lodosako pikilloa edo Gernikako piperra? Txakolina edo ardo nafarra? Sagardotegiko bakailaoa edo ajoarrieroa? Goazen ba, galdetzera.

hamaika telebista

11 laguntzaile

Image