Donostiako Udalarekin lankidetzan, Aranzadik azken bost urteetan Donostian memoria historikoari buruz egin dituen lanak azaldu eta balioan jarri ditu. Jardunaldian lehen mailako adituek parte hartu dute: Fabian Salvioli eta Jon Mirena Landa. Era berean, Donostian diktadura frankistak errepresaliatutakoen senideek parte hartu dute jardunaldi horretan.
Aranzadik “Donostia 1936-1945” proiektua jarri zuen abian 2017an. Lan horren helburua Gerra Zibilean eta diktadura frankistan Donostian izandako giza eskubideen urraketa larrien memoria berreskuratzea eta horiek ezagutaraztea da. Ikerketak milaka donostiar errepresaliatuen izen-abizenak jartzeko aukera eman die.
Zehazki, Madrilen egoitza fiskala duen Zelena Renovable enpresak bi parke eoliko paratzeko asmoa du, bakoitza 50MWekoa. Enpresak proiektua aurkeztu du jada, eta orain dagozkion tramiteak egiten ari da sare elektrikoa konektatzeko baimena lortzeko.
Sustrai Erakuntza fundazioak ohartarazi du parke eoliko horiek Bortzirietako eta Malerrekako biodibertsitatea suntsitu eta laborantza lurren “galera” ekarriko duela. Inguruko hainbat herriri eragingo liekete proiektuek; Bortzirikoa Etxalar, Igantzi, Sunbilla eta Arantzako lurretan eraikiko litzateke, eta Malerrekakoa Ezkurran, Eratsunen, Saldiasen eta Beintza Labaienen.
Imanol Carrera LABeko koordinatzaileak ostegun honetan eman du horren berri Iruñean egindako agerraldian. Esklusibotasuna, 800-1.100 euro inguruko gehigarria izaten da, eta berez, hori kobratuta osasun sistema publikoan bakarrik jardun behar dute langileek.
Karrerak azaldu du legez kanpoko jarduera horiek oso sustraituta daudela Osasunbidean, eta eskatu dio Foru Gobernuari miaketa zorrotza egin dezala kasu guztiak azaleratzeko. Kasu horiei gehitu behar zaio otsailean LABek azaleratu zuen beste kasu bat.
Halaber, Karrerak dei egin du larunbat honetan 17:30ean Iruñean osasun publikoaren alde egingo den manifestazioan parte hartzera.
Bizkaiko adinekoen egoitzetako langileak beste 10 greba egun egiten ari dira ELA sindikatuak deituta. Ainhoa Tirapu sindikatuko kideak azaldu du 29 greba egun egin dituztela dagoeneko, eta 10 egun hauekin 39 izango direla guztira. Hala ere, salatu du patronala ez dela “mugitu”.
Tirapuk azaldu du manifestazioa egin zutela atzo, eta lanaldietan jarri zutela fokua, langile askok ez dutelako lanaldi osoa, eta horrek prekarietatea areagotzen duelako. Zentzu horretan, Tirapuk salatu du “zoritxarrez” langileak “ohituta” daudela mobilizazio luzeak egin behar izateaz, eta “indarrarekin” eta “gogotsu” daudela mobilizazioekin jarraitzeko: “Badirudi egun gehiago behar direla patronalak aldarriak entzun ditzan”.
