Asteburu honetan termometroak 40 ºC-ren bueltan ibiliko dira Euskal Herriko zati handi batean. Hori hala, Pirinio Atlantikoetako Prefeturak kanikula bidezko zaintza horia aktibatu du astelehenera arte, Lapurdin, Nafarroa Beherean eta Zuberoan. Datozen egunetan ia herrialde osoan baso-suteak izateko arrisku handia dagoenez, kontu handiz ibili behar dela berretsi du Nafarroako Gobernuak. Eta Eusko Jaurlaritzak larunbatera arte luzatu du alerta laranja, Araban, Bizkaian eta Gipuzkoan tenperatura oso altuak espero baitira.

Amaiurko gazteluaren setioaren bosgarren mendeurrena dela eta, ekitaldi instituzionalak izango dira Iruñean asteburu honetan. Amaiur Gaztelua Elkarteko kidea den Juantxo Agirrerekin solastu gara, gazteluak egun duen garrantziaz eta sinbolismoaz, eta gazteluaren berreskurapenean herritarrek izan duten paperaz.

Erraustegiaren Aurkako Mugimenduak atzo salatu zuenez, Zubietako erraustegiaren ondoko Arkaitzerreka ibaira gai kutsagarriak isuri zituzten. Bideo batean ikus zitekeen ura zikin doala, eta aparra ere ateratzen dela. Fernando Iturralde Erraustegiaren Aurkako Mugimenduko kideak azaldu digu egoera.

San Ferminetan, ordea, ez da jai giroa bakarrik izan. Festak hasi direnetik, 22 eraso salatu dituzte, gutxienez. Andreen aurkako eraso horiek gaitzesteko elkarretaratzea egin zuten astearte arratsaldean. Jendetze bildu zen bertan. Testuinguru horretan, Hamaikako lankideak kalera irten gara herritarren ahotsa jasotzera. Hona hemen jaso duguna.

'Almuerziko' atalean Raimundo El Canastero taldeko kideekin izan gara. Zaleak ere gogotsu izan dira beraiek ikusteko.

Uztailaren 6tik 14ra, data berezia oso Iruñean. Giroan ere igarri da jendearen poza eta bizitasuna. Iruñeko alde zaharrean barrena jasota irudiak bildu ditugu. Gora San Fermin!

Nafarroako indarkeria sexistaren aurkako plataformako kidea den Amaia Zubietarekin hitz egin dugu, sanferminetan izandako erasoen harira.