Image

Gizartea

All Stories

2023ko ekainaren 4an ospatuko da Euskal Eskola Publikoaren 30. jaia, Mungian

Euskal Eskola Publikoaren Jaia ekainaren lehen igandean egiten den jarduera bat baino askoz gehiago da. Eskolen arteko elkarlana sustatzea, sare publikoan egiten diren egitasmoak erakustea, ikastetxeen aldarrikapenak kaleratzea, familien parte hartzea eskolan bultzatzea eta hezkuntza komunitateari kalitatezko jarduerak eskaintzea dira, besteak beste, jaiaren helburuak.

'Jagon Eskola Publikoa' da Euskal Eskola Publikoaren 30. Jaiaren leloa. Jaiaren urteurrena aprobetxatuz, publikotasunaren garrantzia aldarrikatzen du.

Euskararen ofizialtasuna aldarrikatu dute Nafarroan Euskararen Legearen 36. urteurrenean

Nafarroako Parlamentuaren aurrean elkartu dira euskaltzale andana Euskal Herrian Euskaraz taldeak deituta. Hiru eremu linguistiko daude Nafarroan eta horren arabera dute euskaldunek aitortua euskaraz bizitzeko eskubidea. Legea bertan behera utzi eta herritar guztien hizkuntza eskubideak bermatuko dituen Euskararen Lege berri bat onartzea eskatu dute. Horrez gain, azpimarratu dute Euskalgintzako eragile ezberdinekin batera, euskararen ofizialtasunaren aldeko dinamika indartzea behar-beharrezkoa dela; horren ildotik, alderdi politikoei ere mezu argia helarazi diete: Ofizialtasuna gehiago ez luzatzeko eta ‘Vascuencearen Legea’ bertan behera uzteko.

Hirugarren greba eguna dute egoitzetako langileek, LABek deituta

Asteazkenean hasi zuten Bizkaiko egoitzetako langileek itxialdia Bilboko Atxuri auzoko Enkarnazioaren elizan. Ostegunean Batzar Nagusien egoitzaren aurrean mobilizatu ziren grebalariak eta zuzenean interpelatu zuten Sergio Murillo Gizarte Ekintzako diputatua, Aldundiak egoitzetako gatazkan duen erantzukizuna nabarmenduz, “Greban gaude, Murillo non zaude?” oihu artean.

Asteazken arratsaldean egoitzetako gatazkaren inguruko hitzaldia eman zuten Ainhoa Etxaide eta Arantza Zulueta LABeko Idazkaritza feministako kideek. Ostegunean, grebalarien elkargunea egin zuten Enkarnazioaren elizan, haien lanean izandako bizipenak partekatzeko.

Gaur, hiru eguneko ekimena amaituko dute.

Baionako Fiskaltzak LGTBIfobiaren aurkako protokoloa jarri du abian

SOS Homophobie eta Les Bascos elkarteekin batera lan egin ondoren, Baionako Fiskaltzak ostegun honetan iragarri du LGTBIfobiaren aurkako protokolo bat jarri duela martxan.

Protokoloa definitzeko, elkarteek eta erakunde publikoek joan den uztailean egin zituzten bilerak. Hiru ardatz nagusi ditu dokumentuak: biktimei informazioa eta harrera ematea, erakunde judizialaren eta elkarte espezializatuen arteko lankidetza, eta alerta-mekanismoak abian jartzea.

Gainera, ekintza-eremuak honako hauek izango zirela ezarri zen: alde batetik, biktimei arreta, babesa eta informazioa ematea, eta, bestetik, LGTBIQ+ kolektiboaren aurkako eraso eta diskriminazio ekintzen aurkako prebentzioa eta borroka.

Hezkuntza sare publikoko bigarren grebaren jarraipena positibotzat jo dute sindikatuek

Araba, Bizkaia eta Gipuzkoako hezkuntza sare publikoko bigarren grebak %60ko oihartzuna izan du, sindikatuen arabera. ELA, LAB eta Steilas sindikatuek deituta, azaroren 30ean deitutako lanuztean bezala, Eusko Jaurlaritzaren Hezkuntza Lege aurreproiektuaren aurka kalera atera dira milaka lagun.

hamaika telebista

11 laguntzaile

Image