Eusko Jaurlaritzak hezkuntzarako zenbait ditu laguntza onartu ditu astearte honetan egin duen gobernu kontseiluan. Diru gehiena ikastetxe publikoetarako baliabide digitalak eskuratzeko erabiliko dute, 54,4 milioi, hain zuzen. Horrekin ikasleen eta irakasleen gaitasun digitalak sustatzea dute helburu.

Aurten, LHko 1., 2. Eta 3. Mailako gela guztiak digital bihurtu dituzte eta orain prozesuari jarraipena emango diote LHko gainerako mailetan DBHn eta Batxilergoan.

Diru partida hori material informatikoa eta ekipamendua erosteko baliatuko da. Aurrekontuaren erdia baino gehiago Europako Next Generation funtsetik dator.

Kattalingune Nafarroako Berdintasunerako Institutuak ia 38.000 euro gutxiago jaso ditu Nafarroako Gobernutik, eta hori salatzeko bildu ziren astelehenean, Iruñean, Nafarroako LGTBI elkarteak.

Gogorarazi dutenez, Kattalinguneren ibilbidea 2016an hasi zen “LGTBIQ+ kolektibo eta pertsonen iraunkortasunaren” ondorioz, “indarrak batu baitzituzten Nafarroak kalitatezko zerbitzu publikoa izan zezan”.

Azaroaren 25ean Nafarroako Gobernuak, INAIren bitartez, zerbitzuaren kontratuaren lizitazio publikoa iragarri zuela berretsi dute. Lizitazio horretan aurrekontu txikiagoa aurreikusten da, eta jendeari arreta emateko zortzi ordu gehiago astean.

Kattalingune sendotzeko beharrezko aurrekontua bermatuko duen formula bat bilatzeko eskatu dute.

Galdakaon adinez txikiko hiru haur dituen ama gazte bat eta 67 urteko pentsiodun bat etxegabetu nahi dituzte. Kanporatzeko ahaleginetako bat Kutxabankek sinatu du, eta bigarrena, berriz, Global Pantelaria sozietateak, Cerberus Capital Management putre funts ezaguneko kide denak.
Galdakaoko Etxebizitza Sindikatuko kide da Luis Diaz, berak azaldu digu zein egoeratan aurkitzen diren. Irmo salatu du, gainera, bi banku hauek funts putreen eskutik aurrera eramaten ari diren desjabetze prozesu judizialak eta horien aurrean ekiten jarraitu behar dela aldarrikatu du. Soluzioak bilatzeko bidean, alokairu soziala eskatzen dute. Diazek azaltzen duenez, Santanderrek, estaerako, Cerberus eta Etxebizitza Sindikatuarekin eseri daiteke negoziatzen, baina ez soilik hori. Santanderrek badituelako etxebizitza huts asko, etxegabetzeen ondorioz lortutakoak alokairu sozialak ezartzeko modukoak, azaldu du.

Aldundiak erosi duen lokal berrian sexu indarkeria jasan duten emakumeek zentro honetan arreta jasoko dute. Izan ere, 24 orduz gizarte laguntza integrala emateko krisi zentro da. Aurreikuspenen arabera, 2023an abian jarriko da baliabidea.

Datorren ikasturterako matrikulazio prozesua nolakoa izango den zehaztu du Begoña Pedrosa Hezkuntza sailburuak gaur Bilbon egindako agerraldian. Pedrosaren arabera, neurri zuzentzaileak behar dira eskola segregazioari aurre egiteko eta ikasle zaurgarriak ikastetxeen artean modu orekatuan banatzeko.

Bi araudi berri jarriko dituzte martxan, batek matrikulazio prozesuari berari eragiten dio eta, besteak, matrikulazio biziaren prozedurari. Tokien erreserba da neurri nagusia: diru publikoa jasotzen duten ikastetxe guztiek ikasle zaurgarrientzat derrigorrez gorde beharko dute lekuen ehuneko bat. Horretarako, zona bakoitzeko beharren arabera planifikatuko dira ikasleentzako tokiak.

Euskal Eskola Publikoaren Jaia ekainaren lehen igandean egiten den jarduera bat baino askoz gehiago da. Eskolen arteko elkarlana sustatzea, sare publikoan egiten diren egitasmoak erakustea, ikastetxeen aldarrikapenak kaleratzea, familien parte hartzea eskolan bultzatzea eta hezkuntza komunitateari kalitatezko jarduerak eskaintzea dira, besteak beste, jaiaren helburuak.

'Jagon Eskola Publikoa' da Euskal Eskola Publikoaren 30. Jaiaren leloa. Jaiaren urteurrena aprobetxatuz, publikotasunaren garrantzia aldarrikatzen du.