Image

Gizartea

All Stories

Ibaien egoerak hobera egin du

Datozen orduetan denboraleak okerrera egingo du: haizea, euria eta elurra izango dira protagonistak. Butroe, Gobela eta Asua ibaiak izan dira kezka nagusi goizean, eta uholde txikiak eragin dituztelako.

Eusko Jaurlaritzak Uholde Arriskuetarako Plan Bereziaren alerta-fasea aktibatu du. Euskalmetek maila laranja ezarri du zenbait estaziotan. Abisu horia egongo da elurragatik Bizkaiko eta Gipuzkoako barnealdean, Arabako erdialdean, Nafarroa iparraldean eta erdialdean eta Pirinioetan. Euskalmetek iragarri du iluntzerako 400 metroan egingo duela elurra, iraunkorragatik Bizkaiko eta Gipuzkoako kostan eta barnealdean.

Segurtasun neurri zorrotzagoak aldarrikatu dituzte Bizkaibuseko langileek

Mungia eta Bilbo gauez lotzen dituen Bizkaibuseko ibilbidean eraso larria egin diote autobus gidari bati, larunbat gauean. Elkarretaratzea egin dute Bizkaibuseko langileek Mungian gidariari babesa erakusteko. Bakarrik, arriskuan, sentitzen direla salatu dute eta segurtasun neurri zorrotzagoak aldarrikatu dituzte.

Asteazkenean berriro elkartuko dira Bilboko Foru Jauregiaren aurrean. Bizkaiko Aldundiari eta Bizkaibuseko zerbitzua ematen duten enpresei “prebentziorako neurri eraginkorrak” exijitu dizkie CCOOk.

Ainhoa Bilbao, Arropa Garbia kanpaina: ‘Arropa era oso azkarrean kontsumitu eta botatzen dugu, eta birziklatzea oso zaila da’

Ehungintza planetako sektorerik kutsatzaileenetako bat da, eta gardentasun falta handia duena. Non egin da daramazun kamiseta? Nork eta nola fabrikatu du? Arropa Garbia nazioarteko koordinakundeak eskubideak bermatuko dituzten lege lotesleen alde borrokatzen du. Ainhoa Bilbao da Setem Hego Haizea erakundeko kidea.

Elurra izango dugu Araban hurrengo egunetan Aemet eta Euskalmeten arabera

Elurra helduko da Arabara aste honetan. Aemet eta Euskalmeten arabera elurteak espero dira Euskadin 400 metrora datozen egunetan. Gauzak horrela, elurra iragarri da asteazken eta ostegun honetarako Gasteizen. Horrez gain, igandetik ostegunera prezipitazio handiak izango dira, 60 litro/m2 baino gehiagokoak. Dagoeneko ur-putzuak aurki ditzakegu eta zuhaitzak erori dira azken orduetan izandako euriteen ondorioz. Eusko Jaurlaritzako Segurtasun Sailak abisu horia ezarri du, momentuz, astearte gauerdira arte.

Tenperaturak nabarmen egingo du behera datozen egunetan eta elur-kota 400 metrora iritsiko da

AEMETek abisu laranja eman du elurteengatik Pirinioetan, 24 orduan 20 zentimetro elur pilatu daitezkeelako. Egunotako eguraldi zakarrak elurra ere ekarriko du Euskal Herriko zenbait txokotara.

Bestalde, Errepideetan "zuhurtziaz" jokatzeko deia egin die gidariei. NA-137 errepidea itxita dago, Burgi-Izaba-Frantzia, 47. kilometrotik, Juan Pito bentaren parean, Belaguako mendatean. Halaber, nahitaezkoa da kateak erabiltzea Pirinioetako eta Nafarroako iparraldeko bost errepidetan.
hamaika telebista

11 laguntzaile

Image