Mercedesek ibilgailu elektriko eredu bat ekoitziko du gutxienez Gasteizen duen lantegian. Gama altuko monobolumen bat izango da, eta 2025eko lehen hilabeteetan irtengo dira lehen aleak. Enpresak ez du ofizialki baieztatu baina sektoreko iturriek ziurtzat jotzen dute eta Emilio Titos Gasteizko plantako zuzendariak dagoeneko eman die erabakiaren berri 200 arduraduni.