Skip to main content

Hiruk positiboki baloratzen du Eusko Jaurlaritzarekin izandako bilera

Ekonomia

Garraiolarien grebak hamar egun bete duen honetan, Hiru sindikatuak ibilgailurik gabeko protesta egin du Gasteizen. Horrez gain, Eusko Jaurlaritzaren Lurralde Plangintza, Etxebizitza eta Garraioetako sailburuordearekin bildu da, Lakuari eskatzeko sektoreak bizi duen krisian esku har dezala. Bestalde, Merkantzia garraioaren sektoreari laguntzeko neurriak iragarri ditu Espainiako Gobernuak, eta Sanchezen esanetan asteon akordioa egongo da errepideko garraiolariekin. Iragarpen horrek, baina, ez du garraiolariek abiatutako greba mugagabea gelditu. Are indar handiagoa hartu du lanuzteak, eta eragina, gainera, gero eta nabariago da, esaterako, CAF, Sestaoko ACB eta ArcelorMittal Olaberria egungo egoeraren eraginpean daude. Eta horrez gain, EAEko baxurako ontziek datorren astelehenera arte jarraituko dute itsasoratu gabe.