Ekonomia

All Stories

LABek protesta ugari egin ditu lan erreformaren aurka Euskal Herri osoan

LAB sindikatuak lan erreformaren aurkako aldarrikapen eguna deitu du Euskal Herri osoan. Mobilizazio ziklo berri bat abiatzea helburu hartuta, ezinbestekoa iruditzen zaio langile guztiak aktibatzea, zehazki, Madrilen zein Parisen posible ez den ibilbidea Euskal Herrian eraikitzeko. Bada, protesta ugari egin ditu sindikatuak ipar eta hego euskal herriko lantoki eta eskualdetan.

Lakuak langileen borroka kriminalizatzen duela salatu dute auzipetutako langileek

Bizkaiko Metaleko 3 langile epaitu dituzte, horietako biri 2 urteko espetxe zigorra eskatzen diete, eta hirugarrenari 3 urtekoa. Baina azken horrek akordioa lortu du, eta da kartzelan sartuko.

Epaiketaren harira, elkarretaratzea egin du lan-gatazketan auzipetutako langileen plataformak. Egun, 20 langile daude auzipetuta, eta Eusko Jaurlaritzari galdegin diote lan-gatazketan jarritako isunak eta salaketak indarrik gabe uzteko. Hala, plataformako ordezkariek iragarri dute hurrengo astean auzipetuak Enplegu Sailarekin bilduko direla.

Sanchezek pentsioak igo ditu, baina pentsiodunen eskaritik urrun

Espainiako Ministroen Kontseiluak astearte honetan onartu du 2022rako pentsioen igoera, %2,5 igo ditu zehazki. Pedro Sanchez Espainiako presidenteak asteburuan iragarri zuen igoera, eta Madrilgo Gobernuak 6.500 milioi euro bideratuko ditu eguneratzeko. Sanchezek nabarmendu zuenez, gainera, azken hamarkadan egon den pentsioen igoera handiena da.

Sanchezek jakitera eman du ere gutxieneko pentsioak igoko dituztela, %3. Baina Jon Fano Bizkaiko Pentsiodunen Mugimenduko kideak ohartarazi du 710 euroan geldituko direla pentsioak, batez beste. Hots, mugimenduaren eskari nagusitik oso urrun.

Esneen ekoizpena “modu jasangarriagoan” kudeatzeko proiektu bat abiatu dute

Hego Euskal Herriko, Kantabriako eta Kataluniako abeltzain kooperatibek, gobernuekin bat, abian jarri dute esneen ekoizpena modu jasangarriagoan kudeatzeko proiektu bat. 25 erakundek hartuko dute parte eta 2026ra arte 100 milioi euro baino gehiago inbertituko dituzte. Orotara 603 etxalde izango dira, zeinak urtean 337 milioi litro esne baino gehiago ekoizten dituzten.

Hainbat erakundek familia abeltzaintzaren eraldaketa iraunkorrerako proiektu bat osatu dute

Kaiku Km 0ren eskutik, 25 kooperatibak eta zentro teknologikok proiektu bat osatu dute, Hego Euskal Herriko, Kataluniako eta Kantabriako abeltzaintza familiarra eta kooperatiboaren jasangarritasuna bultzatzeko. Horretarako, 100 milioitik gorako inbertsioak aurreikusi dira 2026ra arte. Aliantza horren bidez, familia-abeltzainen eta esne-ekosistemaren ekoizpen-prozesuaren iraunkortasuna hobetu nahi da.

hamaika telebista

11 laguntzaile

Image