Ekonomia

All Stories

Leixuri Arrizabalaga (EAJ): “Ekarpen posibleak mahai gaineratzen ditu Elkarrekin Podemosek aurrekontuetarako”

Magazineko elkarrizketa tartean izan dugu Leixuri Arrizabalaga EAJko legebiltzarkidea. Izurriaren eboluzioari buruz eta txertaketa kanpainari buruz aritu da. Aurrekontuen negoziazioak ere izan ditu hizpide, zorpetzearen alde egin dutela baina horrek murrizketarik ez duela ekarriko adierazi du. Europako Funtsak jasotzeko proiektueu helduta, Bilboko metroko 5.linea Jaurlaritzaren "lehentasuna" dela azpimarratu du, eta nahiz eta Funtsak ez jaso, "nola edo hala" aurrera eramango dela baieztatu du. Azkenik, Urkullu lehendakaria Pedro Sanchez Madrilgo presidentearekin egingo duen bilerako ildoak aipatu ditu.

Mitxel Lakuntza (ELA): “Pandemia batean egongo ez balitz bezala kudeatu ditu aurrekontuak Jaurlaritzak”

2021eko aurrekontuen inguruan oposizioarekin eginiko bilera sorta amaitu du Pedro Azpiazu Ekonomia eta Ogasuneko sailburuak. Talde politikoek datorren astelehenera arteko epea izango dute osoko zuzenketak aurkezteko. Jaurlaritzak, bere aldetik, aurrekontuak azken urteetako oparoenak bezala aurkeztu ditu, Mitxel Lakuntzaren iritziz, pandemia batean egongo ez balitz bezala kudeatu ditu aurrekontuak Jaurlaritzak.

Kaleratzeak izan dituzte Kybse, Berrimetal eta ITP Aero Casting enpresetan

Urtea hasi berritan, lan gatazkek gurean diraute. Bart Kybse balaztak ekoizten dituen Japoniako enpresak jakinarazi zuen enplegua erregulatzeko espediente bat aurkeztuko duela eta Nafarroako Ororbiako lantegitik 103 langile kaleratzeko asmoa duela. Bestalde, Berrimetal enpresako zuzendaritzak adierazi du itxi egingo duela Ermuko fabrika, eta bere 27 langileak kaleratuko ditu. Ildo berean, ITP Aero Casting enpresak, 90 kaleratze abian jarri ditu Barakaldoko eta Sestaoko lantegietan.

Azpiazuk EAEko Aurrekontu Orokorren Lege-proiektua entregatu dio Legebiltzarreko presidenteari

Pedro Azpiazu sailburuak Legebiltzarreko Presidenteari Euskal Autonomia Erkidegoko 2021eko ekitaldirako Aurrekontu Orokorren Lege-proiektua entregatu dio Parlamentuan. Asteartean onartu zuen Gobernu Kontseiluak proiektua. Hala, inoiz baino diru gehiago gastatu nahi du Eusko Jaurlaritzak 2021. urtean: 12.442 milioi euro, zehazki.

Bi greba egun deitu dituzte Gipuzkoako eraikinen eta lokalen garbiketa sektoreko langileek

Bi greba egun deitu dituzte Gipuzkoako eraikinen eta lokalen garbiketa sektorean. Grebekin jarraituta, Haurreskolak Patzuergoan deitutako bigarren greba eguna burutu da asteazken honetan. Horiek baina, ez dira lan esparruan irekita dauden auzi bakarrak. Honatx, azken egunotako lan-gatazken errepasoa.

Etxebizitza eskuratzeko zailtasuna salatu dute Angelun

Herritar askorentzat etxebizitza baterako sarbidea geroz eta konplexuagoa den lurralde honetan, Angeluko higiezinen agentzia batek eginiko publizitate kanpainak hautsak harrotu ditu. Izan ere, etxebizitza agentziak posta bidezko publizitatea baliatuz, eguberriko sasoian gehienbat frantziar hiri handietatik helduko diren bisitarien etorrera baliatuz, jabeak animatu ditu beraien etxea ahalik eta prezio altuenean saltzeko. Bestaldetik, hutsik egon daitezkeen 884 etxeen jabeekin jarri da harremanetan Nafarroako Gobernua. Horrela, 29 udalerritan hutsik dauden etxebizitzak detektatzeko bigarren fasea hasi du Etxebizitza Hutsen Errolda osatzeko asmoz.
hamaika telebista

Image