Ekonomia

All Stories

Pentsiodunek astelehenero egiten dituzten mobilizazioei ekin diote

Pentsiodunek astelehenero egiten dituzten mobilizazioei ekin diote.

Garrantzi handiko bi data zehaztu dituzte: Adinekoen Nazioarteko Eguna eta urriaren 15a. Urriaren 15ean Madrilen protesta egingo dute Espainiako Estatuko gainerako pentsiodunekin.

Aldarrikapen zehatzak dituzte: pentsioak KPIaren arabera igotzea eta 1080 euroko gutxieneko pentsioa ezartzea.

Langileen erosahalmena bermatzeko norabide baten aldaketa aldarrikatu du LABek

Abuztuari agur esan bezain laister 2022-23 ikasturtea jomugan jarri da. Bada, gaurkoan LAB sindikatuak prentsaurrekoa egin du ikasturte honetako erronken berri emateko. Agerraldian Endika Perez Ekintza Sozialako arduradunak eta Garbiñe Aranburu sindikatu abertzaleko idazkariak hartu dute hitza. Horrela, Aranburuk hasi berri den ikastuaren hiru erronka nagusiak azaldu ditu, hau da, langileen bizitza duina bermatzea, eredu sindikal berria eta hauteskunde sindikalak. Horrez gain, zerga erreforma hizpide izan du idazkari nagusiak, erreforma babestuko ez dutela argitzearekin batera, patronalaren eta gorbernuen jarrera salatu du.

Iparraldean erregai litroaren laguntza handiagotu dute eta Hegoaldean gasaren BEZa jaitsiko da

Azken egunotan hizpide izan dugun energiaren mundutik berri on bat dakarkigu gaurkoan. Gaurtik urriaren 31 arte, Lapurdiko, Nafarroa Behereko eta Zuberoako gasolindegietan handiagoa izango da erregai litroaren deskontua. Bi hilabetez 30 zentimokoa izango da laguntza. Krisi energetikoari aurre egiteko laguntzekin jarraituz, Pedro Sanchez Espainiako presidenteak iragarri du gasaren BEZa % 21etik % 5era jaitsiko dela urritik aurrera. Bestalde, Arantxa Tapia EAEko Ingurumen sailburuak, Energia Kontingentzia Planaren bigarren bertsioaren inguruko xehetasunak eman ditu. Bertsio horrek eragile publiko eta pribatuen ekarpenak jasotzen ditu, eta, bihar bertan, igorriko zaio Espainiako Trantsizio Ekologikorako Ministerioari.

Glovoko banatzaileak ere langileak direla aldarrikatu du LAB sindikatuak

Gizarte Segurantza eta Glovo-ren arteko epaiketa hasi da gaur Iruñeko epaitegietan. Epaileak erabakiko du Glovoko langileak autonomo diren edo ez. Hau da, ebatzi beharko du banatzaile horiek soldatapeko langile behar luketen edo ez. 80 langile daude epaitegira deiturik.

LAB sindikatuak aldarrikatu du Glovoko banatzaileak langileak direla, eta ez autonomoak.Protesta gisara, elkarretaratzea egin dute Nafarroako Justizia Jauregiaren aurrean. LABek azpimarratu du enpresa ez ikusiarena egiten ari dela aspaldi, eta salatu du instituzioak utzikeriaz ari direla horrekin.

Alberto Carrero (ArcelorMittal): 'Merkatuaren egoera ez bada hobetzen ez dugu baztertzen ABEEa'

Arcelormittal Sestaok ez dio jarduerari berriro ekingo udako geldialdiaren ondoren Merkatuaren baldintzak txarrak direla eta, ez dute zehaztu, gainera, noiz itzuliko diren. Eskariaren eta altzairuaren prezioen jaitsierarekin lotu dute erabakia. Merkatuaren baldintza kazkarrak hobetzen ez badira, gainera, Alberto Carrero ArcelorMittaleko bozeramaileak Hamaika Telebistari azaldu dionez, ez dute enplegua aldi baterako erregulatzeko espediente baztertzen.

Jon Altuna (Hiru): 'Betidanik eskatu dugu zamalana ez dagokiela kamiolariei'

Kamiolariek zamalanak egiteari utziko diote, izan ere, kamiolarien baldintzak hobetzeko asmoz, martxoan onartutako Lurreko Garraioa Antolatzeko Legearen moldaketa indarrean jarriko da irailaren 3tik aurrera. Hala ere, arauaren eraginkortasuna zalantzan jarri dute Hiru Euskal Herriko Garraiolari Autonomoen Sindikatuak eta Tradisna Nafarroako Garraiolarien Elkarteak.

Abuztuan eten egin da inflazioaren goranzko joera, baina nola bizi dute herritarrek igoera?

Abuztuko datu aurreratuan, inflazio tasa hiru hamarren murriztu da uztailetik, Espainiako Estadistika Institutu Nazionalaren arabera. Horrela, azken hilabeteetako goranzko joerarekin eten du jaitsiera horrek. Edonola ere, 30 urtean izandako mailarik altuenetan mantentzen da KPIa. Izan ere, herritarrek erosteko ahalmena galdu dute, beraz, nola bizi dute prezioen gorakada? Hamaika Telebistako lantaldea kalera atera da herritarren ahotsa jaso nahian.

hamaika telebista

11 laguntzaile

Image