Ekonomia

All Stories

Urrutiko lanaren erabakia borondatezkoa izango da enpresarentzat eta langileentzat

Iraila hastear da eta horrekin bat, hainbat langile beren postuetara itzultzear daude. Askok etxetik jardun beharko dute lanean, eta horrek dakartzan zalantzak argitze aldera, Espainiako Gobernua lege bat lantzen ari da. Bihar ekingo die berriz negoziazioei sindikatu nagusiekin eta enpresaburuen elkarteekin.

Olaberriako Arcelor Mittaleko langileek lanuzteekin jarraitzen dute

Olaberriako Arcelor Mittalek langileen eskakizunei jaramonik egin gabe jarraitzen duela argudiatuta langileek lanuzteekin jarraitzen dute. Zuzendaritzak erantzun argirik ez diela eman eta negoziatzeko biltzeari muzin egin diola esan dute, beste proposamenik egin gabe. Jarrera hori ikusita, aldez aurretik prestatutako mobilizazio plana martxan jarri dute.

Lurgoien enpresako langileek elkarretaratzea egin dute kaleratu ez ditzaten eskatzeko

Lurgoien enpresako langileek elkarretaratzea egin dute, enpresak 35 langile kaleratu ez ditzan eskatzeko. Pandemia honek ikaragarri eragin du ekonomian eta horren isla da Lurgoien enpresari gertatutakoa. Bestalde, izurrite honen erdian egokitzen zitzaizkien ordainsariak ez dituztela kobratu adierazi dute langileek.

Etxebizitzen salmenta jaitsi egin da Hego Euskal Herrian 2013tik zegoen hazkundeari amaiera emanez

INEko datuetan ageri denez, pasa den urtean 25.080 etxebizitza salerosi ziren, 2018an baino 1.272 etxibizitza gutxiago. Ordea, prezioak gora egiten jarraitzen dute, baina salmentan afera honen eragina txikia izango dela ikustarazi dute adituek.

Haurreskolak Partzuergoko Kudeaketako langileek Administrazioaren proposamen berriaren zain jarraitzen dute

LAB sindikatuak agerraldia egin du gaur Bilbon Haurreskolak Partzuergoak eta Hezkuntza Sailaren arduradunek negoziaziorako duten gaitasun eza salatzeko. Negoziazio mahaian gehiengoa duen LAB sindikatuak 2018an akordioa sinatu zuen. Geroztik, urtebetez jardun dute negoziaketan, akordio zabalago eta sakonago bat lortzeko. Tartean lanpostu zerrenda handitzea, langileen kategorien parekatzea edota OPE deialdietan zabaltzen ari den kontsolidazio prozesuekin konpromezu bat sortzea. Abenduan grebara deitu zuten. Orain, Administrazioaren keinu baten zain daude, negoziazio mahaia osatu eta eskaerak betetzen diren arte. Hezkuntza Sailak urtarillaren 9an bilera egingo dutela jakinarazi zien; hala ere, ez dute baieztapen ofizialik jaso.
hamaika telebista

Image