Ekonomia

All Stories

Errioxako Kontseiluak iragarri du upategien eta mahastien esklusibotasuna exijituko dela

Errioxako eta Arabako mahastien arteko gatazka okerrera joan da. Errioxako Kontseiluak iragarri du upategien eta mahastien esklusibotasuna exijituko dela. Horren inguruan Arabako diputatu nagusiak, Ramiro Gonzalezek, salatu du kontseiluak Arabako Mahastiak zigilua oztopatu nahi duela.

Bizkaiko metaleko patronalak %3,25eko soldata igoera proposatu du, ELA eta LABentzat, aldiz, eskasa da

Bizkaiko metalgintzako negoziazio-mahaiaren hamaikagarren bileran FVEM patronalak %3,25eko soldata igoera proposatu du, ELA eta LAB sindikatuentzat, aldiz, urria da. Izan ere, sindikatuek ohartarazi duenez, proposamen horrek oraindik ez die sektoreko langileei erosteko ahalmena bermatzen. Irailaren 26an bilduko dira berriro, baina sindikatuek aurreratu dutenez, FVEM patronalak negoziazio blokeatzen jarraituz gero, grebak eta mobilizazioak aurreikusten dituzte ELAk zein LABek.

ELAk ez du sinatuko KPI araberako soldata bermatzen ez duen lan itunik

ELA sindikatuak argi du, eta sindikatuak ez du sinatuko KPI araberako soldata bermatzen ez duen lan itunik. Horrez gain, egungo lan hitzarmenen negoziazioan oztopoa ez dago sindikatuetan patronaletan bazik, ELA azaleratu duenez. Izan ere, langileen pobretze-prozesu bat martxan dagoen bitartean, KPIaren igoera zuzenenean lotzen du ELAk enpresen mozkinekin.

Lanalden-eko langileek telefonoa eskegi eta lanuztea egin dute lan baldintza duinen alde

Lanaldeneko langileek euren lan-jardunean geldialdia egin dute lan baldintza duinen alde, LAB eta ESK sindikatuek deituta. Izan ere, hilabeteak daramatzea enpresarekin soldara igoerak negoziatzen, baina zuzendaritzak negoziazioari uko egin diola salatzeko geldialdietara eta grebara deitu dute sindikatuek.

Kotizazio epea 35 urtera zabaltzea baztertu du Escrivak

Pentsioen erreforman zehazteke geratzen diren neurriak adosteko bilerak izango dituzte datozen asteetan Espainiako Gobernua eta eragile sozial, sindikatu eta patronal nagusiak. Edonola ere, asteleheneko batzarraren ostean, ez dute hitzordurik zehaztu. Bitartean, pentsioa kalkulatzeko kontuan hartzen den epea 25 urtetik 35era zabaltzea irmoki baztertu du Escriva ministroak.
hamaika telebista

11 laguntzaile

Image