Auzo eta herrietan bizi baldintza duinak borrokatzeko tresna sortu LABek, ABIATU izeneko ekintza sozialeko komunitate tresna alegia. Lehen kanpaina aurkeztu dute Gazteizen eta Bilbon, eta langile guztiei etxebizitza eskuragarri eta duina bermatzeko neurriak aldarrikatu dituzte. Horregatik, etxebizitza politikaren arduradunak interpelatuko dituela iragarri du sindikatuak.

Gaur epaiketa izan dute Vulcanizados Zuloagako langileek, izan ere, ELAk salaketa jarri zuen enpresak grebarako eskubidea urratu duela iritzita. 247 egun daramatzate greba mugagabean lan hitzarmen duina aldarritzako.

Nafarroan azken hamarkadetan nekazaritzako ustiategiak erdira murriztu direla jaso du herrialdeko elikadura-subiranotasunari buruzko dokumentu batek. Txostenean nabarmentzen da nekazaritza-lurra murrizten ari dela, eta gehienak abereak elikatzeko erabiltzen direla.

Foru Aldundiak, Eusko Jaurlaritzak eta Mondragon Taldeak bost parke fotovoltaiko sustatuko dituzte Arabako kuadrilletan. Helburua da ekimen publiko-pribatuaren bidez energia berriztagarria sortzeko proiektuak bultzatzea. Enargi Arabako Foru Aldundiaren sozietate publikoak eta Ekiola egitasmoak bultzatu dituzte Arabako proiektuak. Agurain, Amurrio, Maeztu, Kuartango eta Zigoitiko udalerrietan eraikiko dituzte azpiegitura fotovoltaikoak, eta dagoeneko zehaztu dute zer lurretan jarriko dituzten eguzki panelak.

Nafarroako zahar etxeetako langileek zaintza aitortzeko eta ordaina egokitzeko eskatu dute. LABek, ELAk, UGTk eta CCOOk salatu dute 4.500 langile baino gehiago kaltetuak direla lan baldintzak direla kausa.

Otsailak 22a emakume eta gizonen arteko soldata berdintasunaren aldeko eguna da. Hala, ELA eta LAB sindikatuek protestak deitu dituzte soldata arrakalaren aurka.

Eusko Jaurlaritzak Enpresa Txiki eta Ertainentzako (ETE) 2022eko laguntza-plana aurkeztu du. Plan horretan 74 laguntza-programa biltzen dira eta horien helburua da ekonomia suspertzea eta kalitatezko enplegua sortzea, arreta berezia eskainiz Euskal Autonomia Erkidegoaren garapen jasangarriari. Laguntza horiekin 590 milioi euro banatuko ditu aurten Gobernuak, iaz baino % 15 gehiago

Garraioko ordezkaritza duten sindikatuek (LAB, ELA, HIRU eta Kurpil) mobilizazioak egin dituzte Donostia, Bilbo, Gasteiz eta Iruñean, Espainiako Gobernu Ordezkaritzen aurrean, sektoreko langileek 60 urterekin erretiroa hartu ahal izatea eskatzeko. Gasteizko garraiolariek adierazi bidaiaren eta salgaiaren langileei koefiziente murriztatzailea aplikatu diezaien eskatu dute, erretiroa 60 urtera jaisteko, adin batetik aurrera gidatzea arriskutsua izan daitekeelako. Martxoaren 26an, estatuko gainerako kideekin batera plataformak Madrilen deitu duen manifestazioan izango direla jakinarazi dute.